Buxoro shahrida Buxoro Xalq Respublikasi M aorif vaziri
Musojon Saidjonov tashabbusi bilan tashkil topgan Eski Buxoro
markaziy shahar kutubxonasi 1921-yil 30-iyunda o ‘z faoliyatini
boshladi. Uning dastlabki kitob fondi 1187 nusxadan iborat edi.
1938-yil 0 ‘zbekiston Maorif xalq komissarligi qarori bilan
Eski Buxoro markaziy shahar kutubxonasi Buxoro viloyat ku-
tubxonasiga aylantirildi va unga buyuk alloma Abu Ali ibn Sino
nomi berildi. Shu munosabat bilan kutubxonaga adabiyotlar,
jihozlar xarid qilish uchun qo‘shimcha mablag‘ ajratildi. Natijada,
kitob fondi 1940-yilga kelib 10 baravar ko‘paydi, 1939-yilning
oxiriga kelib viloyat kutubxonalar tarmog‘i 138 ta kutubxonadan
iborat edi. Ularga kutubxonachilik ishining asosiy yo‘nalishlari
bo‘yicha uslubiy va amaliy yordam ko‘rsatish, kutubxona xodim-
larining malakasini oshirish bo‘yicha tadbirlar o‘tkazish maqsadida
1940-yilda viloyat kutubxonasi qoshida uslubiy xona tashkil etildi.
1953-yili Sharq fondidagi qo‘lyozmalarning bir qismi Abu
Rayhon Beruniy nomidagi sharqshunoslik institutiga berildi.
Umuman olganda, mazkur ilmiy muassasa kitob fondining eng
yaxshi va noyob qismini «Buxoro kolleksiyasi» tashkil etadi.
1958-yil aprelda viloyat kutubxonasida davriy nashrlar zali ochildi.
1959-yildan kutubxonada ilg‘or metod — kitob fondlaridan erkin
foydalanish qo‘llanila boshlandi. 1971-yil 500 ming kishiga
mo‘ljallangan yangi uch qavatli bino foydalanishga topshirildi.
0 ‘tgan asrning 90-yillariga kelib kutubxonaning asosiy boyligi —
kitob fondi 300000 nusxaga yetdi.
Mustaqillik yillarida kutubxona hayotida katta ijobiy o ‘zga-
rishlar го у berdi: kitobxonlar doirasi kengaydi, kutubxonaga
tashriflar soni ko‘paydi. 1993, 1994, 1995, 2006-yillarda xalqaro
simpozium va konferensiyalar o‘tkazildi. 1998-yil kutubxona Sharq
fondidagi noyob qo‘lyozma asarlar katalogi nashr etildi. Mazkur
katalog nusxalari AQSH Kongressi kutubxonasiga, Yaponiya,
Germaniya, Rossiya va Angliya kutubxonalariga yuborildi. Sharq
fondidagi toshbosma nashrlar katalogi tuzila boshlandi.