RCH2O* –алкоксил радикал оралиқ маҳсулот бўлиб, у RC*НOН-гидроксиалкил радикалга қайта группаланиши мумкин.
Эркин радикаллар бошқа эркин радикаллар билан таъсирлашиб карбонил бирикмаларга айланади.
R2=MnO3*, RR1CHOCrO2*, RR1CHO*, RR1C*-OH ва бошқа.
Учламчи спиртлар фақат кислотали муҳитда янада каттиқроқ шароитда оксидланади. Учламчи спиртдан алкен ҳосил бўлиб, у ўз навбатида осон оксидланади.
Кислород атомидаги тақсимланмаган электрон жуфти электрофил реагентлар билан донор-акцептор боғ (семиполяр боғ) ҳосил бўлиши билан таъсирлашади. Бунда кислород атоми мусбат зарядланиб қолади ва оксоний бирикмалари ҳосил бўлади.
Е = BF3, AlCl3, PCl3, SOCl2, TiCl4, SnCl4, H+, NO2+ ва бошқа Льюис кислоталари.
Алканоллар кучсиз асослар ҳисобланади. Протоннинг бирикиши натижасида алкил-оксоний катиони ҳосил бўлади. Алканолларнинг асослилиги алкоксоний-катионининг кислоталилиги билан аниқланади.
Алкилоксоний катионлари жуда кучли кислоталар ҳисобланади, улар фақат кучли кислоталар иштирокида ҳосил бўлиши мумкин. Масалан, 20 % ли сульфат кислота эритмасининг рН и -1 га тенг, бундай эритмада тахминан 10 % метанол метилоксоний катионига айланади. Кислоталарнинг кучсиз эритмаларида алкоксоний катиони фақат фоиз улушлари миқдорида ҳосил бўлади. Алканол молекулаларининг аксарияти бундай шароитларда водород боғлар ҳосил қилади.
Кўпинча алканолларнинг электрофиллар билан реакцияси кейинги реакцияларга олиб боради. Масалан, ацилхлоридлар билан реакцияси натижасида мураккаб эфирлар ҳосил бўлади.
Алканолларни кучли кислоталар иштирокида карбон кислоталар билан ўзаро таъсири натижасида ҳам мураккаб эфирлар ҳосил бўлади.
Карбокатионлар билан таъсирлашиб оддий эфирлар ҳосил қилади.
Аксарият ҳолатларда алканолларнинг электрофил реагентлар билан реакцияси маҳсулотлари карбокатионларнинг манбаи бўлади. Бунинг натижасида гидроксил гуруҳнинг ажралиши, гидроксил гуруҳнинг бошқа атомларга ёки гуруҳларга алмашиниши содир бўлади.
2. Гидроксил гуруҳнинг ажралиши билан борадиган реакциялар.
Бундай реакциялар натижасида алканларнинг турли ҳосилалари ёки алкенлар ҳосил бўлади. Буларни ичида углерод оксиди билан реакцияси-карбониллаш алоҳида ўрин тутади.
Алканолларни галогенводородлар билан реакцияси натижасида галогеналканлар ҳосил бўлади.
(X= Cl, Br, I).
Параллел равишда парчаланиш реакцияси ҳам боради.
Водород фториднинг кислоталилиги кам бўлганлиги учун (HI, HBr, HCl, HF нинг сувли эритмалари учун рКа -10; -9,5; -7,4 ва 3,2 га тенг) кўзланган реакция маҳсулотлари чиқмайди.
Бу реакцияни протонланган гидроксил гуруҳни нуклеофил алмашиниши деб ҳисоблаш мумкин.
Реакция алкил гуруҳнинг тузилиши ва галогеннинг табиатига кўра (Cl, Br ёки I) SN1 ёки SN2 механизм бўйича бориши мумкин. Иодид-ион энг актив ҳисобланади.
Реакцияларда кўпинча галогенводородлар ёки галогенводород кислоталари эмас, балки уларни ҳосил қилувчи реагентлар ишлатилади.
H2SO4 + KBr → HBr + KHSO4
2P + 3I2 + 6H2O → 6HI + 2H3PO3
Қизил
фосфор
Алканоллар кислород тутувчи ноорганик кислоталар билан таъсирлашиб ушбу кислоталарнинг мураккаб эфирларини ҳосил қилади. Кучсиз кислоталар сульфат кислотаси иштирокида реакцияга киришади. Алканоллар кучли кислоталар иштирокида диалкил эфирлар ҳосил қилади.
Эфирлар кислота мўл миқдорда олинмаганда ва реакция температураси анча паст бўлганда ҳосил бўлади. Акс ҳолда алкен ҳосил бўлади. Эфирларнинг ҳосил бўлиши алканолни ўша (ёки бошқа) алканолдан ҳосил бўлган алкилловчи реагент таъсирида боради. Протонланган алканол ёки ундан ҳосил бўлган карбокатион алкилловчи реагент ҳисобланади.
Бирламчи спиртлар билан борадиган реакцияларнинг унуми юқори бўлади. Иккиламчи ва учламчи спиртларнинг бундай реакцияларида эса алкенлар кўпроқ ҳосил бўлади.
Алканоллар кучли кислоталар, шу жумладан Льюис кислоталари иштирокида карбокатион ҳосил қила олувчи электрофил реагентларга айланади. Масалан:
Алканоллар PCl3, PBr3, PCl5 ва SOCl2 лар билан таъсирлашиб галогеналканлар ҳосил қилади. Қўшимча маҳсулотлар сифатида ноорганик кислоталарнинг мураккаб эфирлари чиқади. Масалан:
ROH + SOCl2 → RCl + SO2 + HCl
Ушбу реакцияда сульфит кислотаси хлорангидридининг мураккаб эфири ҳосил бўлиб, у ўз навбатида углерод атомида ичкимолекуляр нуклеофил алмашинишга учрайди (SNi-реакция). Гидроксил гуруҳ хлор атомига углерод атомининг конфигурацияси сақланган ҳолда алмашади.
Алканоллар кобалтли катализаторлар иштирокида босим остида СО билан реакцияга киришиб карбон кислоталарга айланади.
Кобальт тетракарбонилгидрид фаол катализатор ҳисобланиб, кучли кислота хоссасига эга ва алканолни карбокатионга айлантира олади:
Мазкур реакция саноат аҳамиятига эга.
Алканолдан бир молекула сув ажралиб чиқиши натижасида алкен ҳосил бўлади. Реакция кучли кислота иштирокида, ёки юқори температурада катализатор сиртида боради.
Кучли кислоталар иштирокида алканоллар мураккаб эфирлар ёки карбокатионлар ҳосил қилиб, улар юқори температурада алкенга айланади
Учламчи спиртлар нисбатан осон реакцияга киришади, чунки улар барқарорроқ карбокатионлар ҳосил қилади. Каталитик дегидратлаш учун одатда Al2O3 қўлланилади.
Карбокатион орқали Е1 механизм бўйича борадиган реакцияларда қўшбоғларнинг кўчиши (аллил қайта группаланиш) ва углерод ўзаги (скелети) нинг ўзгариши (скелет қайта группаланиши) кузатилади. Қайта группаланишлар боғланган карбокатионлар ҳосил бўлиши ва карбокатионда водород атомларининг ёки алкил гуруҳларнинг миграцияси билан боғлиқ. Аллил қайта группаланиш
Ретропинаколин қайта группаланиш
ДИОЛЛАР
Диоллар ёки гликоллар углеводородларнинг иккита гидроксил гуруҳ тутувчи ҳосилаларидир. Диоллар ҳам умумий қоидалар бўйича номланади. Диоллар баъзан гликоллар ҳам дейилади. Асосий диоллар алоҳида кўриб чиқилади, чунки ҳар бир диолнинг ўзига хос хусусиятлари мавжуд.
Формуласи
|
ИЮПАК номенклатураси
|
Бошқа номлари
|
НОСН2ОН
|
Метандиол
|
|
НОСН2СН2ОН
|
Этандиол -1,2
|
Гликол, этиленгликол
|
НОСН2СН2СН2СН2ОН
|
Бутандиол-1,4
|
1,4-бутиленгликол
|
(СН3)2С-С(СН3)2
НО ОН
|
2,3-диметилбутандиол-2,3
|
Пинакон
|
НОСН2СН=CHCH2OH
|
Бутен-2-диол-1,4
|
|
|
