Аллилхлорид- ўткир ҳидли рангсиз суюқлик. Кўзни ёшлантиради (лакриматор). Пропенни хлорлаб олинади. Органик синтезда эпихлоргидрин, глицерин, аллил эфирлар олишда ишлатилади.
Бензилхлорид- ўткир ҳидли рангсиз суюқлик, лакриматор. Толуолни хлорлаб олинади. Органик синтезда бензил спирти, бензилцианид ва бензил эфирлар олиш учун ишлатилади.
8-маърузалар
СПИРТЛАР.
Режа:
1. Спиртларни номенклатураси ва изомерияси
2. Спиртларни олиниш усуллари
3. Спиртларни физик хоссалари
4. Спиртларни кимёвий хоссалари
5. Спиртларни энг муҳим вакиллари
6. Биологик ва экологик жиҳатлари
Углеводородларнинг молекуласидаги водород атомларини битта ёки бир нечта гидроксил гуруҳга алмашинишидан ҳосил бўлган органик бирикмалар спиртлар деб аталади. Спиртлар углеводород қолдиғининг тузилишига кўра алканоллар, арилалканоллар, алкенолларга, гидроксил гуруҳ сонига кўра бир атомли, икки атомли (диоллар) ва кўп атомли спиртлар (полиоллар) га бўлинади.
Алканоллар.
Алканоллар алканларнинг ҳосилалари ҳисобланади. Гидроксил гуруҳ углеводород занжирида ҳар хил жойлашиши мумкин. Бунга кўра алканоллар қуйидагича синфланади:
Алканолларни номлаш учун ўринбосар ва радикал-функционал номенклатурадан фойдаланилади. Занжирдаги углерод атомлари гидроксил гуруҳ энг кичик лкант билан белгиланадиган қилиб рақамланади. Гидроксил гуруҳ катта характеристик гуруҳ сифатида –ол суффикси билан белгиланади. Агар молекулада бошқа каттароқ гуруҳлар бўлса ёки молекула мураккаб тузилишга эга бўлса гидроксил гуруҳ гидрокси- ёки окси- префикси билан белгиланади. Радикал-функционал номенклатура бўйича алканоллар спиртлар деб юритилади.
Структура формуласи
|
Ўринбосарли номенклатура бўйича
|
Радикал-функционал номенклатура бўйича
|
СН3ОН
|
Метанол
|
Метил спирти
|
СН3СН2ОН
|
Этанол
|
Этил спирти
|
СН3СН2СН2ОН
|
Пропанол-1
|
Пропил спирти
|
СН3СН(ОН)СН3
|
Пропанол-2
|
Изопропил спирти
|
СН3СН2СН2СН2ОН
|
Бутанол-1
|
Бутил спирти
|
СН3СН(ОН)СН2СН3
|
Бутанол-2
|
Иккиламчи бутил спирти
|
СН3СН(СН3)СН2ОН
|
2-метилпропанол-1
|
Изобутил спирти
|
СН3С(СН3)2-ОН
|
2-метилпропанол-2
|
Учламчи бутил спирти
|
СН3 СН2С(СН3)2-ОН
|
2-метилбутанол-2
|
Учламчи амил спирти
|
СН3С(СН3)2СН2ОН
|
2.2-диметилпропанол-1
|
Неопентил спирти
|
Алканолларни олиш учун галогеналканлар, алкенлар, карбонил бирикмалар, элементорганик бирикмалар, ис газидан фойдаланилади. Алкенларга сув бириктириш, ис газини ва карбонил бирикмаларни гидридлаш ва углеводларни ферментатив парчалаш асосий саноат методлари ҳисобланади.
Галогеналканлар сув ёки ишқор билан реакция киришиб алканолларга айланади.
R-X + OH- → R-OH + X-
Алкенларга сувни бирикиш реакцияси кислота катализаторлари иштирокида боради (сульфат кислота, фосфат кислота, кислота билан қайта ишланган алюминий оксиди ёки бошқа ташувчи).
Кислотадан ажралиб чиққан протоннинг алкенга бирикиши натижасида сувнинг бирикиши осонлашади:
Саноатда сувнинг бирикиши газ фазасида катализатор сиртида боради.
Карбонил бирикмалар каталитик гидридланганда алканоллар ҳосил бўлиши мумкин.
Металларнинг комплекс гидридлари, масалан, натрий алюмогидрид, литий боргидрид юмшоқ (унчалик кучли эмас) реагентлар ҳисобланади.
Карбон кислоталарнинг мураккаб эфирлари гидридланганда бирламчи спиртлар ҳосил бўлади. Реакция катализатор иштирокида водород билан, ёки натрийни спиртда эритилган вақтда ажралиб чиқаётган водород билан, ёки комплекс гидридлар билан олиб борилади. (Буво-Блан методи, 1903 й.).
Металлорганик бирикмаларнинг альдегидлар ва кетонларга бирикиши осон боради:
Металлорганик бирикмалар қўлланиладиган иккинчи метод уларни оксидлаш реакциясига асосланган. Саноатда алюминийорганик бирикмаларни оксидлаш қўлланилади (К.Циглер).
Шунингдек, борорганик бирикмаларни оксидлашдан ҳам фойдаланилади.
Углерод оксиди ва водород ишлатилаётган катализатор, температура ва реагентлар нисбатига қараб ҳар хил реакция маҳсулотлари, метанол, ҳар хил спиртлар аралашмаси (синтол), метан, углеводородлар аралашмаси ҳосил қилиши мумкин:
Оксосинтезда алкенлардан альдегидлар олинади, улар эса спиртларгача қайтарилади.
Айрим оддий алканоллар углеводларнинг ферментатив парчаланиши-бижғиш жараёнида ҳосил бўлади. Шу усул билан саноатда катта миқдорда этанол олинади. Бошланғич модда ва қўлланилаётган микроорганизм турига қараб бижғиш жараёнида озроқ миқдор пропанол, бутанол ва 2-метилбутанол-1 ҳам ҳосил бўлади.
Физик хоссалари.
Алканоллар ўзига хос ҳидли рангсиз суюлилик ёки кристалл моддалардир. Алканолларнинг дастлабки учта вакили ёқимли ҳидга эга. Бутаноллар ва пентанолларнинг ҳиди ёқимсиз бўлади. Катта молекуляр массали алканоллар хушбўй ҳидга эга.
Алканолларнинг қайнаш температуралари тегишли иодалканларга нисбатан юқори (нима учун ?).
Алканоллар қутбли бирикмалардир. Уларнинг молекуласида иккита қутблт боғ мавжуд: С-О ва О-Н. Мазкур боғларнинг диполлари кислород атоми томонга йўналган. Алканолларнинг дипол моменти йиғиндиси 5.3-6.0 · 10-30 (1.6-1.8 D) га тенг. Дипол моменти йиғиндисига кислород атомидаги тақсимланмаган электрон жуфти ҳам таъсир кўрсатади.
Боғларнинг дипол моменти С-О боғларнинг қутблилиги О-Н боғларининг қутблилигидан анча катта эканлигини кўрсатади.
Кислород атомидаги тақсимланмаган электрон жуфти алканолларнинг кучсиз электронодонор хоссасини таъминлайди. Буни ионланиш энергияларидан кўриш мумкин:
Бирикма
|
Н2О
|
СН3ОН
|
С2Н5ОН
|
ИЭ, эВ
|
12.6
|
10.8
|
10.6
|
Алканолларнинг ионланиш энергиялари сувнинг ионланиш энергиясидан кам. Бунинг сабаби алкил гуруҳнинг электронодонор таъсиридир (+I-эффект). Ионланиш энергияси
|
