55
Veb sayt dizaynidan maqsadli foydalanish
Kirish
Veb saytlardan turli maqsadlarda foydalaniladi. Masalan, ular orqali sevimli mavzular
haqida oʻqish, ijtimoiy tarmoqlarda suhbatlashish, musiqa
yoki kinolarni yuklab olish
yoki namoyish etish, shuningdek, kompyuter oʻyinlarini oʻynash mumkin.
Har qanday
veb sayt qay maqsadda foydalanilmasin, foydalanuvchilarga qulay dizayn taqdim etishi
kerak. Veb saytdan izlagan narsangizni topolmay xunob boʻlganmisiz
Agar veb saytning dizayni har tomonlama qulay shaklda yaratilgan boʻlsa,
foydalanuvchi (yoki
auditoriya) undan foydalanish jarayonida zavq oladi.
Aksincha,
veb sayt dizayni puxta ishlanmagan yoki undan koʻzlangan
maqsad noaniq boʻlsa,
foydalanuvchilarda salbiy taassurot uygʻotadi.
Modul davomida
HTML yordamida
veb sahifa yaratish ko‘nikmalarini shakllantirasiz.
Bu jarayonda diqqatli bo‘ling, chunki kod yozishda kichik xatoga yoʻl qoʻyilsa, veb
sahifadagi elementlar noto‘g‘ri ko‘rinish oladi.
HTML nima?
HTML
Hypertext Markup Language jumlasining qisqartmasi boʻlib,
veb sahifa yaratish
uchun foydalaniladigan kodlash (markerlash) tili hisoblanadi. HTMLdan tashqari
JavaScript,
CSS va
PHP kabi dasturlash/kodlash (markerlash) tillari mavjud. Shular orasidan HTML eng
eski va keng tarqalgan tillardan biridir.
ozilgan HTML kod veb brauzerda
interpretatsiya qilinadi, ya’ni o‘qib olinadi. Veb
brauzer veb sayt tarkibidagi istagan barcha matnlar va tasvirlarni namoyish qilib, toʻgʻri
formatlanishini taʼminlaydi. lementlarning veb brauzerdagi oʻrni va koʻrinishi kod
yordamida belgilanadi.
Kod yordamida veb saytlar interaktiv elementlarga ega boʻladi, turli ekran va qurilmalarda
koʻrinadi. Kodlar boʻlmaganida, veb sahifa yaxlit tasvir sifatida ishlab chiqilishi kerak bo‘lar
edi. Bu holat qanday muammolarni keltirib chiqarishi haqida oʻylab koʻring.
Veb sahifa yaratish uchun maxsus shablonlar bor. Ular samarali
dizayn yaratishga yordam
beradi. Modul davomida siz veb sahifani shablondan foydalanmay, noldan boshlab mustaqil
yaratishni oʻrganasiz. Mazkur jarayon kerakli amaliy koʻnikmalarni
birma-bir egallashingizga
hamda veb sahifani oʻzingizga ma’qul koʻrinishda yaratishingizga imkon beradi.
