16
KAFOLATLARI
11-modda. Diniy tashkilotni tashkil etish
Diniy tashkilot qonunchilikka muvofiq uning tashabbuskorlari (ta’sischilari) qaroriga kо‘ra
tashkil etiladi.
Diniy tashkilotning tashabbuskorlari (ta’sischilari) ta’sis yig‘ilishini (konferensiyasini)
chaqiradi, unda ustav qabul qilinadi va rahbar organlar tuziladi.
Diniy tashkilot rо‘yxatdan о‘tkazilgan paytdan e’tiboran tashkil etilgan deb hisoblanadi.
Diniy tashkilot yuridik shaxsdir.
Diniy tashkilot diniy tashkilotlarning О‘zbekiston Respublikasi bо‘yicha
markaziy
boshqaruv organi (bundan buyon matnda markaziy boshqaruv organi deb yuritiladi), diniy ta’lim
muassasasi yoki mahalliy diniy tashkilot shaklida tashkil etilishi mumkin.
Diniy ta’lim muassasasi rо‘yxatdan о‘tkazilganidan va vakolatli organning tegishli
litsenziyasini olganidan keyin о‘z faoliyatini amalga oshirish huquqini oladi.
Diniy tashkilot belgilangan tartibda taqdim etiladigan yer uchastkalarida,
vakolatli organ
bilan kelishuvga kо‘ra tashkil etiladi.
Tegishli diniy professional ta’limga ega bо‘lgan shaxs diniy tashkilotning rahbari bо‘lishi
mumkin, bundan diniy ta’limotida diniy professional ta’lim tizimi nazarda tutilmagan
konfessiyalar mustasno.
Diniy tashkilotni qayta tashkil etish uning rahbar organining qaroriga kо‘ra qо‘shib
yuborish, qо‘shib olish, bо‘lish, ajratib chiqarish va о‘zgartirish yо‘li bilan amalga oshirilishi
mumkin.
Diniy tashkilotni qayta tashkil etish qonunchilikda nazarda
tutilgan tartibda amalga
oshiriladi.
