Korxonani joylashda yana shuni hisobga olish kerakki, texnologik jarayon mahsulot va materiallarning ko‘chish yo‘llarini kesib o‘tmasin, ortiqcha operatsiyalar bo‘lmasin

Yo‘l qurilish materiallarini tashish va ombor ishlariga ketadigan harajatlar qurilish narxiga jiddiy ta’sir qiladi.

Yo‘l qurilishida ombor xo‘jaligining asosiy vazifasi materiallar va buyumlarni miqdor va sifat jihatdan qabul qilib olish, ularning fizik-mexanik xossalarini hisobga olgan holda ratsional joylashtirish, ortish-tushirish ishlarini mexanizatsiyalash, avtomatlashtirish va robotlashtirish, materiallar va buyumlarni saqlash texnikasini takomillashtirish, saqlash vaqtida isrofgarchilikka yo‘l qo‘ymaslik, ularning hisobini etarlicha olib borish kabilardan iborat.

Bunga qo‘shimcha qilib aytish mumkinki, yo‘l qurilishi sharoitlarida, qurilish ketayotgan uchastkalarning o‘zida ham vaqtinchalik bino, ayvon, hovli ko‘rinishida kichkina ombor quriladi.