|
Mavzular ro`yxati
|
| bet | 10/35 | | Sana | 16.12.2023 | | Hajmi | 172,42 Kb. | | #120263 |
Bog'liq 8,9,2. Anionni aniqlash.
A) Kation og`ir metall emas. Agar tekshiriluvchi moddaning kationi og`ir metallarga tegishli bo`lmasa (ya`ni birinchi va uchinchi guruh kationi bo`lsa), u holda anionni eritmani dastlabki ishlovsiz aniqlash mumkin. Birinchi navbatda anion guruhini aniqlash kerak. Buning uchun eritmaning ozgina porsiyasi 2 tomchidan 3 ta probirkaga quyib olinadi, probirkalar raqam bilan belgilanadi, birinchi guruhning guruh reaktividan boshlab navbatma–navbat guruh reaktivlari bilan ta`sir qilinadi.
Ikkinchi guruh reaktivi–BaCl2 eritmasi.
Ikkinchi guruh reaktivi–kislotali muhitdagi AgNO3 eritmasi.
Agar tekshiriluvchi eritma birinchi va ikkinchi guruh reaktivlari bilan cho`kma bermasa, u holda anion uchinchi guruh anioni bo`ladi.
Tekshiriluvchi moddaning anioni qaysi guruhga tegishli ekanligini topib, aniqlanadigan tuz tarkibiga qanday anion kirishi aniqlanadi. Buning uchun anionlarning xususiy reaksiyalarini o`tkazish kerak. Xatoning oldini olish uchun diqqatni ko`proq kumush va bariy tuzlari cho`kmalarining kislotalarda yoki boshqa reaktivlarda eruvchanligiga ahamiyat berish kerak. Anionlarni aniqlashda bitta o`tkazilgan reaksiya bilan chegaralanish mumkin emas. Tasdiqlash uchun ushbu anionga xos bo`lgan boshqa bir reaksiyani ham o`tkazish kerak.
B) Kation og`ir metall. Bu holda anionlarga tekshirish o`tkazishdan oldin mavjud kation yo`qotilishi kerak, chunki u ko`p aniqlashlarga halaqit beradi. Kation Na2CO3 yordamida olib tashlanadi.
Anionlar aniqlanadigan 2 ml eritmaga cho`kma tushishi to`xtagunga qadar Na2CO3 eritmasi qo`shiladi. Aralashma suv hammomida 5–7 daqiqa qizdiriladi, to`la cho`kkanligi tekshiriladi va sentrifuga qilinadi. Tiziq eritma olinadi, uni teng bo`lmagan ikki qismga bo`linadi, cho`kma tashlab yuboriladi.
Filtratning ko`proq qismi suyultirilgan HNO3 bilan neytrallanadi, boshqasini (uchinchi guruhni tekshirish uchun) sirka kislota bilan neytrallanadi. Neytrallash uchun eritmaga hamma vaqt aralashtirib turgan holda tomchilatib suyultirilgan kislota qo`shiladi. Har bir qo`shilgan tomchidan keyin reaksiyani lakmus bilan tekshiriladi (lakmus qog`ozi kuchsiz, ammo aniq qizil rangga bo`yalishi kerak). Eritma suv hammomida to CO2 to`la chiqarib tashlanmagunga qadar qizdiriladi. Neytrallashdan keyin hosil qilingan eritmada anion aniqlanadi.
Dastlab, HNO3 bilan neytrallangan eritmadagi anionlar aniqlanadi. Buning uchun BaCl2 bilan sinov o`tkaziladi. Ijobiy natija olinganda og`ir metallar bilan magniyning fosfatlari, sulfitlari, karbonatlari qiyin eruvchi tuzlar ekanligini hisobga olish kerak. Shuning uchun BaCl2 bilan cho`kma hosil bo`lishi SO42– anioni borligini ko`rsatadi.
Agar salbiy natijalar bo`lsa, AgNO3 bilan sinov o`tkaziladi. Cho`kmaning tushishi ikkinchi guruh anioni borligini ko`rsatadi. Agar BaCl2 ham, AgNO3 ham cho`kma hosil qilmasa, anion uchinchi guruhga tegishli bo`ladi. Uchinchi guruh anionlarining borligiga tekshirish o`tkazish uchun sirka kislota bilan neytrallangan eritma tekshiriladi.
|
| |
