225
Tizimning yadrosi - axborotni yig‘ish, qayta ishlash va signallarni nazorat qilish
vazifalarini bajaradigan sanoat mikrokontrolleri hisoblanadi. Sanoat kompyuteri
generator darajasidagi tizimlardan: releli himoya, qo‘zg‘alish, avtomatlashtirish,
o‘lchash va signalizatsiya tizimlaridan ma’lumot to‘playdi va arxivlaydi, terminal
shkafida axborotlarni ko‘rsatish, axborotni Boshqaruv markaziy pulti va muhandislik
stansiyalariga uzatish vazifalarini bajaradi.
Stansiyaning generatorlik darajasidan axborot uzatish uchun standart sifatida
sanoat Ethernet tarmog‘iga asoslangan halqali optik-tolali raqamli ma’lumotlar yig‘ish
shinasidan foydalaniladi.
§ 16.3.4. GES avariya - ta’mirlash zatvorlarini boshqaruv tizimi
Avariya-ta’mirlash zatvorlari zamonaviy raqamli datchiklar tomonidan nazorat
qilinadi. Raqamli signallar dasturlangan mantiqiy kontrollerlarga uzatiladi. Ushbu
kontroller avtomatik rejimlarda avariya ta’mirlash zatvorlarni boshqaradi va avariya
holatlarida ogohlantirish hamda signallarni berish imkonini beradi. Qalqonlarni
ko‘tarish va suv quvurlarini to‘ldirish tartibi avtomatik ravishda bajariladi.
Barcha moy nasosli gidroagregetlarning avariya-ta’mirlashda zatvorlarni
ko‘tarish va tushirish uchun, zarur yog‘larni bosimini ta’minlaydigan moynasos
agregatlarini nazorat qilish mikrokontrollerini o‘rnatish orqali hal qilinadi va har bir
zatvorni boshqarish bilan chambarchas bog‘liq bo‘lgan umumiy stansiya vazifasiga
kiradi.
