6) ayrim sharoitlarda, masalan, azeotrop aralashmalarini rektifikastiyalash
paytida har
xil bosim bilan ishlaydigan ikki (yoki ko’p) kolonnali qurilmalardan foydalanish.
Oddiy kolonnalar yordamida aralashma faqat ikki frakstiyaga ajratilishi mumkin.
Neftni qayta ishlash zavodlarida esa odatda aralashma bir nechta frakstiyaga ajratiladi.
Masalan, neftni haydash natijasida undan benzin, ligroin, kerosin,
solyar moyi va
mazut ajratib olinadi. Bunday ajratishni amalga oshirish uchun bir nechta ketma-ket
joylashgan oddiy kolonnalar talab qilinadi. Kolonnalar soni ajratiladigan komponentlar
sonidan birta kam bo’lishi lozim. Jarayonni bu tarzda tashkil qilish ko’plab
noqulayliklar tug`diradi va metall sarfining oshishiga sabab bo’ladi.
Shuning uchun
ham neft xom-ashyosini 3 va undan ortiq frakstiyalarga ajratish bir kolonnali tizim
bo’yicha amalga oshiriladi. Bunday kolonna bir korpusda yig`ilgan
va ustma-ust
joylashgan bir nechta oddiy kolonnadan iborat murakkab kolonna bo’lib hisoblanadi.
