|
Müasir dövrdə istehsalatda hər hansı səviyyədə qəbul edilən qərar və təlimatlar, işçilərinBog'liq M asir d vrd istehsalatda h r hans s viyy d q bul edil n q raŞəkil 3. Əks klapan
1- gövdə, 2 – qapaq, 3 – qapayıcı, 4 – yəhər
Dönən əks klapanlar sulfat və xlor turşuları və həmçinin başqa aktiv kimyəvi mühitdə
tətbiq edilir.
8.3. Təzyiq altında işləyən qabların quraşdırılması, qeydiyyatı və müayinəsi
Qabların quraşdırılması. Təzyiq altında işləyən qablar açıq meydançada və ya ayrıca
binalarda yerləşdirilir. Əgər bu və ya digər səbəbdən qab istehsalat binası daxilindəki və ya ona
bitişik otaqda yerləşdirilirsə onda qab yerləşdirilən otağın divarları əsaslı olmalıdır. Qabı elə
quraşdırmaq lazımdır ki, ona qulluq edilməsi, onun təmiri, təmizlənməsi və nəzarəti asan həyata
keçirilsin. Hər bir qab quraşdırıldıqdan və qeydə alındıqdan sonra onun aydın görünən yerindən
rənglə qeyd
nömrəsi, yolverilən təzyiqi, növbəti texniki baxış vaxtı göstərilməlidir.
Qabların qeydiyyatı və texniki müayinəsi. Təzyiq altında işləyən qablar işə buraxılmazdan
əvvəl dövlət texniki nəzarəti orqanları tərəfindən qeydə alınmalıdır. Dağ Mədən Nəzarəti Dövlət
Agentliyinin müfəttişi tərəfindən qabın qeydiyyatı və texniki müayinəsindən sonra onun işə
buraxılmasına icazə verilir.
Təzyiq altında işləyən qablar işə buraxılmazdan əvvəl, vaxtaşırı və planlaşdırılmış vaxtdan
əvvəl texniki müayinədən keçirilir.
Sənayedə işlərin təhlükəsiz görülməsi və Dağ Mədən Nəzarəti Dövlət Agentliyi tərəfindən
qeydə alınmış qablar aşağıdakı vaxtlarda texniki müayinədən keçirilməlidir:
- qabın daxili və xarici divarlarının vəziyyətini yoxlamaq məqsədilə aparılan daxili və
xarici baxış - dörd ildə bir dəfədən az olmamaq şərtilə;
- qabaqcadan qabın daxili yoxlanılmaq şərtilə aparılan hidravliki sınaq - səkkiz ildə bir
dəfədən az olmamaq şərti ilə.
Texniki müayinədən qabaq qabın işi dayandırılmalı, o soyudulmalı, işçi təzyiqdən azad
edilməli, əlaqədə olduğu bütün boru kəmərlərindən azad edilməli, daxili və xarici metal
səthlərinə qədər təmizlənilməlidir. Qabın elektrik qızdırıcıları və intiqalı ondan ayrılmalıdır.
Əgər qabda zərərli maddələr vardırsa, o neytrallaşdırıcı və qazsızlaşdırıcılarla işlənməlidir.
Yüksək təhlükəyə malik olan maye və qaz ilə işləyən təzyiq altında olan qabların sınağı
müəssisənin baş mühəndisi tərəfindən təsdiq edilmiş təlimat əsasında aparılmalıdır. Qab
daxilində iş apardıqda (baxış, təmir, təmizləmə) təhlükəsiz
çıraqlardan istifadə etmək lazımdır.
İşıqlanma üçün istifadə edilən gərginlik 12V-dan artıq olmamalıdır.
|
| |
