149
lakin, yaddaşda saxlamamısınız. Sistemdə nə isə səhv olur, sistem yenidən işə
düşməli olur və ya sistemin işi yarımçıq qalır. Bu zaman sizin yaddaşda
saxlamadığınız fayllar itir. Bu cəhətdən Linux çox etibarlıdır. Yəni,
Linuxda bu
cür problemlər olmur.
3.
Təhlükəsizlik. Kompüter virusları - icra edilə bilən bir proqramdır, yəni
kompüterinizin əməliyyat sistemində olan imkanlardan istifadə edən əmrlər
ardıcıllığıdır. Viruslar Windows ƏS altında işləyən kompüterlərdə işləyir. Linuxu
seçməklə kompüter viruslarını tamamilə unutmaq olar və heç bir antivirusa ehtiyac
olmaz. Deməli, Linux təhlükəsizdir.
4.
Universallıq. Microsoft şirkəti öz gəlirlərini maksimum dərəcədə artırmaq üçün
Windows sistemini müxtəlif paketlərdə yayırlar: professional istifadəçilər üçün, ev
kompüterləri üçün, serverlər üçün, korporativ klientlər üçün və s. Bu, istehlakçılar
üçün əhəmiyyətli dərəcədə əlavə xərclər yaradır. Linuxdan istifadə etməklə bu
xərclərdən azad olmaq olar. Linuxun hər hansı distributivini seçməklə, yerinə
yetirilən məsələlərdən asılı olaraq sistemi müxtəlif kompüterlərdə müxtəlif şəkildə
tənzimləmək olar.
5.
Məhsuldarlıq. Linuxu istənilən məsələnin həlli üçün təmzinləmək və beləliklə,
maksimum məhsuldarlığa nail olmaq mümkündür. Buna ən yaxşı sübut Linuxun
böyük hesablama qrupları və internet-serverlər üçün geniş istifadə olunmasıdır.