| 6.3.5. Uskuna-texnologik chizmaning izohi.
Kurs ishini bu qismida tarmoqdagi mavjud chet el va mamlakat mualliflari ishlab chiqqan texnologik chizmalar, ilmiy izlanishlar va yutuqlarini hisobga olgan holda, tahlil asosida ishlab chiqarish texnologik chizmasi tanlanadi. Tanlangan ishlab chiqarish uslubiga muvofiq texnologik chizma tuziladi va izohlanadi. Korxonani tayyor maxsulotini ishlab chiqarish texnologik chizmasi tanlashda quyidagilar hisobga olinadi:
1.Ushbu mahsulotga talab va kelajakda talabni oshishi.
2.Xom-ashyo tahlil va tavsifi.
3.Ishlab chiqarish chiqindilarini qayta ishlash imkoniyatlari va shu
bilan birga atrof muxit tozaligini saqlash yo‘llari.
4.Xom-ashyo, ishlab chiqarish chiqindilaridan birgalikda foydalannsh
maqsadida yaqin atrofda joylashgan boshka korxonalar bilan birga
ish yuritish, hamjihat bo‘lish.
Shuningdek, tanlangan ishlab chiqarish texnologik sxemasini maqsadga muvofiqligini tasdiqlovchi omillar, umumiy yakunlar keltiriladi.
6.3.6. Olingan mahsulotning sifatini nazorat qilish va qo‘yilgan talablarga mosligini asoslash.
Dori vositalarining sifatini ta’minlash uchun: dori vositalari GMP va GLP talablari asosida ishlab chiqarilgan va tekshirilgan bo‘lishi kerak; dori vositalarini tayyorlash va sifatini nazorat qilish jarayonlari anik yoritilgan va GMP qoidalariga mos kelishi kerak. Kerakli xom ashyo va materiallarni ishlab chiqarish, etkazish va ishlatilishi bo‘yicha tadbirlar o‘tkazilgan bo‘lishi; yarim tayyor mahsulotning nazorati va validatsiyasi o‘tkazilgan bo‘lishi; tayyor maxsulot to‘g‘ri ishlab chiqarilgan va tasdiqlangan usullar yordamida tekshirilgan bo‘lishi kerak. Bunda sifat va miqdoriy tahlil usullari ko‘rsatilishi darkor.
| 