|
Mantiqiy va muammoli nazorat savollari
|
| bet | 55/98 | | Sana | 25.11.2023 | | Hajmi | 3,81 Mb. | | #105149 |
Bog'liq fayl 1654 20210826Mantiqiy va muammoli nazorat savollari
O’qitish texnologiyasining pedagogik va axborot texnologiyasidan farqli jihatlarin keltiring va izohlang!
Informatika fanini o‘qitishda o‘qitish texnologiyasining maqsadi qanday qo‘yiladi?
Informatika fanini o‘qitishda o‘qitish texnologiyasida kafolatlangan jarayon takrorlanishi deganda nimani tushanasiz? Misol keltiring va izohlang!
An’anaviy o‘qitish va o‘qitish texnologiyasiga asoslangan o‘qitish jarayonini informatika fanini o‘qitish misolida tahlil qilib bering!
Informatika fanini o‘qitishda an’anaviy o‘qitish vositalari o‘qitish texnologiyasiga asoslangan o‘qitish vositalaridan qanday farq qiladi?
Informatika fanini o‘qitish texnologiyasining tarkibiy qismlarini tahlil qilib bering!
Informatika fanini o‘qitish texnologiyasi shakllarini turli-tumanligini tahlil qiling va izohlang!
Informatika fanini o‘qitish texnologiyasining umumiy shakllining bir-biridan farqini tushuntirib bering! Sizningcha qaysi shakl afzalroq hisoblanadi?
13-mavzu. O‘quv mashg‘ulotlarida o‘qitish texnologiyalarini loyihalashtirish
Reja
13.1. O‘qitish texnologiyalarini loyihalashtirish qoidalari
13.2.O‘qitish texnologiyasining elementlari
13.3.O‘qitish metodlari o‘qitish texnologiyasining elementlari
13.1. O‘qitish texnologiyalarini loyihalashtirish qoidalari. Pedagogik texnologiyalarni loyihalashda asosiy qoidalari, tamoyillarini keltirish mumkin [69]:
O‘zbekiston respublikasida oliy, o‘rta-maxsus, kasb-hunar va umumiy o‘rta ta’limning davlat ta’lim standartlari, davlat dasturlari va talablarni bajarishi;
o’qitish maqsadlariga erishish uchun ta’limning maqsadi, mazmuni, shakli, metodi va vositalarining o'zaro muvofiqligi, bir butunligi tamoyili;
pedagogikaning asosiy (“oltin”) qoidasi ta’lim va tarbiyaning birligi tamoyili;
moslik tamoyili - informatikani o‘qitish texnologiyasining o‘quvchining individual xususiyatlarini hisobga olishi bilan o‘qituvchining imkoniyatlariga mosligi.
informatikani o‘qitish texnologiyasi shakl, vosita, metod va o‘qituvchining ish usulini psixologik asoslanganligi tamoyili;
ilmiylik tamoyili - informatikani o‘qitish texnologiyasi fanning so‘nggi, eng yangi yutuqlariga asoslanganligi, tegishli ilmiy manbalardan foydalanish;
fanlararo bog’liqlik (metapredmetliliklik)- bu informatika fanini turli mavzular bo'yicha loyihalarni tanlash va boshqa fan o'qituvchilari bilan o'zaro hamkorlik qilish (informatika+matematika, informatika+ fizika, informatika+musiqa, informatika+kimyo va h.k.).
pedagogik yondashuvning ustuvorligi tamoyili, o’qitish texnologiyasini loyihalash jarayonini nazariy tushunchalarini ishlab chiqish, echilishi kerak bo'lgan muammolarni yechish uchun modellar yaratish va h.k.
Olib borilgan tadqiqotlar va pedagogik tajriba shuni ko’rsatmoqdaki, pedagogik texnologiya ta’lim-tarbiya jarayoninig barcha sohalarini qamrab oluvchi yaxlit tizim bo‘lsa, o‘qitish texnologiyasi esa ma’lum fanning didaktik talablar asosida o‘qitishning yaxlit tizimini tashkil etadi. Pedagogik texnologiya va o‘qitish texnologiyasining maqsadi bitta ijodiy tafakkur sohibini tarbiyalab yetishtirishdan iborat.
Informatikani o‘qitishda shunday vaziyatni yaratish kerakki, o‘quvchi o‘z xohishi bilan izlansin, tafakkurini rivojlantirsin, intilsin, unda fanni o‘rganishga qiziqish uyg‘onsin.
|
| |
