|
Namangan muhandislik-qurilish instituti
|
| bet | 109/138 | | Sana | 20.01.2024 | | Hajmi | 35,39 Mb. | | #141780 |
Bog'liq Kasb mahorati31-AMALIY MASHG‘ULOT
«Orqa osmani qismlarga ajratish va yig‘ish».
MAQSAD: Orqa osmani ko‘rsatilgan ketma-ketlikda qismlarga ajratish, tuzilishi, detallarni bir-biriga nisbatan o‘rnatilishi va ishlashini o‘rganib yana o‘z o‘rniga mahkamlash.
MODULNI O‘RGANISH JARAYONIDA EGALLANADIGAN AMALIY KO‘NIKMALAR:
Xavfsiz ishlash usullarini o‘rganish va rioya qilish;
Ko‘rsatilgan ketma-ketlik asosida qismlarga ajratish;
Detallarning tuzilishi va o‘rnatilishini o‘rganish;
Asbob va uskunalardan to‘g‘ri foydalanish;
Detallarni ko‘rsatilgan ketma-ketlik asosida o‘rniga qo‘yib mahkamlash.
MODULNI O‘RGANISH DAVOMIDA SHAKLLANADIGAN NAZARIY BILIMLAR;
Orqa osmaning vazifasi va turlari;
Orqa osmaning ishlash jarayoni;
TICO avtomobili orqa osmasining tuzilishi;
Orqa osmalarni avtomobilga mahkamlanishi;
Xavfsiz ishlash usullari.
MAVZU DOIRASIDAGI ASOSIY MA’LUMOTLAR:
Ma’lumki, avtomobil notekis yo‘llarda yurganida yoki har xil tezlikda xarakatlanganida g‘ildiraklar orqali kuzovga yoki rama 8 ga turtki va siltov kuchlari uzluksiz uzatiladi. Bu salbiy kuchlarni kamaytirish maqsadida osmada hajmli yoki shaklli o‘zgaruvchi konstruksiyadan foydalaniladi.
Elastik konstruksiyalarda varaqali ressor yoki spiralsimon prujinalar qo‘llaniladi. Orqa osma ham, old osma singari mustaqil yoki nomustaqil bo‘lishi mumkin. Nomustaqil osmada chap va o‘ng g‘ildiraklar umumiy bikr balkaga o‘rnatilgan bo‘lib, bir g‘ildirakni siltanishi va tebranishi ikkinchi tomondagi g‘ildirakga uzatiladi.
Mustaqil osmada har bir g‘ildirak kuzov yoki ramaga alohida o‘rnatilgan bo‘lib, ularning turtki va silkinishi ikkinchisiga dahli bo‘lmaydi. Orqa osmaning tasviriy chizmasi 1-rasmda ko‘rsatilgan.
1-rasm. TICO avtomobilining orqa osmasi
1-g‘ildirak; 2-orqa ko‘prik; 3-amortizator; 4-amortizator porsheni; 5, 6 – klapanlar;
7-shtok; 8-rama; 9-richag (pishang); 10-prujina;
MATIZ avtomobilining mustaqil orqa osmasining chizmasi 2-rasmda ko‘rsatilgan.
|
| |
