Xalqaro o‘zbek tili va adabiyoti fan olimpiadasini tashkil etish
va o‘tkazish tartibi to‘g‘risida
NIZOM
1-bob. Umumiy qoidalar
1. Mazkur Nizom umumiy o‘rta ta’lim muassasalari o‘quvchilari o‘rtasida
o‘tkaziladigan xalqaro o‘zbek tili va adabiyoti onlayn fan olimpiadasini (keyingi o‘rinlarda
- Xalqaro olimpiada) tashkil etish va o‘tkazish tartibini belgilaydi.
2. Xalqaro olimpiadada xorijiy davlat fuqarosi (millatidan qat’i nazar) bo‘lgan 15-17
yoshli umumiy o‘rta ta’lim muassasalari o‘quvchilari ishtirok etadi.
3. Xalqaro olimpiada Xalq ta’limi vazirligining Fan olimpiadalari bo‘yicha iqtidorli
o‘quvchilar bilan ishlash departamenti tomonidan elektron
tizim orqali onlayn shaklda
o‘tkaziladi.
2-bob. Asosiy tushunchalar
4.Mazkur Nizomda quyidagi asosiy tushunchalardan foydalaniladi:
elektron tizim - Xalq ta’limi vazirligining Fan olimpiadalari bo‘yicha iqtidorli o‘quvchilar
bilan ishlash departamenti
tomonidan yuritiladigan, onlayn
olimpiadalar tashkil etish
bo‘yicha
veb-sayt;
test topshiriqlari - o‘zbek tili va adabiyoti fani doirasidagi
mavzular yuzasidan
o‘quvchilarning bilim, malaka va ko‘nikmalarini rivojlantirishga
qaratilgan topshiriqlar
majmuasi.
3-bob. Xalqaro olimpiadaning maqsad va vazifalari
5.Xalqaro olimpiadaning maqsadi xorijiy davlatlar bilan fan va ta’lim
sohasida
hamkorlikni kuchaytirish orqali chet ellik yoshlaming o‘zbek tili va adabiyotiga bo‘lgan
qiziqishini, o‘zbek tilining xalqaro miqyosdagi nufuzini oshirishdan iborat.
6.Quyidagilar xalqaro olimpiadaning asosiy vazifalari hisoblanadi:
xorijiy davlatlardagi o‘zbek tili va adabiyotini o‘rganayotgan yoshlarni qo‘llab-quvvatlash,
eng iqtidorlilarini aniqlash, qobiliyatlarini yanada
rivojlantirish;
xorijiy davlatlarda o‘zbek tili va
adabiyoti, madaniyatini keng targ‘ib qilish;
xorijdagi o‘zbek tilini o‘rganishga intilayotgan o‘quvchilarni qo‘llab-quvvatlash va
rag‘batlantirish.