01-04 Maktabgacha ta’lim tashkilotlariga turli tashkilot va idoralardan kelib tushgan yozishmalar nushalari saqlanadi.
01-05 Jismoniy va yuridik shaxslarning yozma va og‘zaki
murojaatlari, ularni qayd etish kitoblari va murojaat asosida amalga oshirilgan ishlarning nushalari saqlanadi.
01-06 Maktabgacha ta’lim tashkilotining asosiy faoliyatiga doir buyruqlarning nushalari saqlanadi.
01-07 Maktabgacha ta’lim tashkiloti tomonidan chiqarilgan xat va yozishmalar hamda chora-tadbirlarning nushalari saqlanadi.
01-08 Maktabgacha ta’lim tashkilotida bolalarni tarbiyalash, o‘qitish, ularga qarab turish, parvarishlash va sog‘lomlashtirishni ta’minlashga qaratilgan, O‘zbekiston Respublikasi Maktabgacha ta’lim vazirligining 2018 yil 18 iyundagi 1-MH-son buyrug‘i bilan tasdiqlangan (Adliya Vazirligida 3 iyul 2018 yilda 3032-son bilan ro‘yxatdan o‘tgan) “O‘zbekiston Respublikasi ilk va maktabgacha ta’lim yoshdagi bolalar rivojlanishiga qo‘yiladigan Davlat talablari” saqlanadi.
01-09 “O‘zbekiston Respublikasi ilk va maktabgacha ta’lim yoshdagi bolalar rivojlanishiga qo‘yiladigan Davlat talablari”ga
muvofiq ishlab chiqilgan, maktabgacha ta’lim tashkilotlarida ta’lim mazmunini belgilab, variativ o‘quv dasturlarini yaratishda tayanch hujjat hisoblanuvchi O‘zbekiston Respublikasi Maktabgacha ta’lim vazirligining 2018 yil 7 iyuldagi 4- sonli hay’at majlisi qarori bilan tasdiqlangan “Ilk qadam” davlat o‘quv dasturi saqlanadi.
01-10 Maktabgacha ta’lim tashkilotining qonuniy asosda joylashuvi bo‘yicha o‘rnatilgan tartibda tasdiqlangan kadastr hujjati hamda moddiy-texnik bazasining holatini aks ettiruvchi o‘rnatilgan tartibda rasmiylashtirilgan tashkilot pasporti saqlanadi.
Mazkur pasport maktabgacha ta’lim sohasiga tegishli bo‘lgan vakolatli tashkilotlar tomonidan sanasi va muhri aniq ko‘rsatilgan holda tasdiqlanadi. Maktabgacha ta’lim tashkilotining pasportida tashkilot haqida umumiy ma’lumot, er maydoni, bino va inshootlari,
asbob-uskunalar, qattiq va yumshoq jihozlar, o‘qin-o‘yinchoqlar, sport inventarlari va musiqa asbob-uskunalari hamda ularning foydalanishga yaroqpilik holatlari kabi ma’lumotlar kiritiladi.
01-11 Maktabgacha ta’lim tashkilotining yillik sarf-xarajatlar smetasiga berilgan takliflari hamda tuman (shahar) maktabgacha ta’lim bo‘limining tuman moliya bo‘limi bilan kelishilgan holdagi o‘rnatilgan tartibda tasdiqlangan xarajatlar smetasining yillik, choraklik nushalari saqlanadi.
01-12 Tuman (shahar) maktabgacha ta’lim bo‘limining tuman moliya bo‘limi bilan kelishilgan holda o‘rnatilgan tartibda tasdiqlangan maktabgacha ta’lim tashkilotining shtatlar jadvali va tarifikatsiya ro‘yxatlari, hamda unga kiritilgan to‘ldirish va o‘zgartirishlar saqlanadi.
01-13 Maktabgacha ta’lim tashkilotining barcha yo‘nalishlar bo‘yicha asosiy faoliyatini yo‘lga qo‘yish yuzasidan 2019-2020 o‘quv yili uchun yillik ish rejasi
(keyingi o‘rinlarda “Yillik ish reja ”deb yuritiladi) tuziladi.
Yillik ish reja maktabgacha ta’lim tashkiloti pedagogik kengashi qaroriga asosan pedagogik kengash raisi tomonidan tasdiqlanadi va tuman (shahar) maktabgacha ta’lim bo‘limlarining tarkibiy bo‘lim boshliqlari tomonidan ko‘rib
chiqilib, takliflar berilishi mumkin hamda tuman (shahar) maktabgacha ta’lim bo‘limi mudiri tomonidan kelishiladi.
Yillik ish rejada bajariladigan ish mazmuni, davriyligi, mas’ul va ijrochilari, tashkiliy va amalga oshirish shakllari aniq ko‘rsatiladi.
Yillik
ish rejasi asosiy (2 sentyabr-31 may) hamda sog‘lomlashtirish
(1 iyun -31 avgust) davriga mo‘ljallab tuziladi hamda maktabgacha ta’lim tashkilotining muhim lokal hujjati hisoblanadi.
Yillik ish reja “Uzbekiston Respublikasining ilk va maktabgacha yoshdagi bolalar rivojlanishiga qo‘yiladigan davlat talablari” va “Ilk qadam” Davlat o‘quv dasturiga muvofiqlashtirilgan holda shakllantiriladi hamda bolalarni maktab ta’limiga sifatli tayyorlashga qaratiladi.
