O‘quvchilarda shakllangan tayanch kompetensiyalar elementlari:
A1
Kommunikativ kompetensiya:
o‘z fikrini og‘zaki va yozma bayon qila oladi, mavzudan kelib chiqib savollarga to‘g‘ri javob beradi, muloqotda muomala odobiga rioya qiladi.
Axborotlar bilan ishlash kompetensiyasi:
axborot manbalari haqida tushunchaga ega bo‘ladi, mavjud axborot manbalaridan (audio-video yozuvlarga jo‘r bo‘lib kuylay oladi) tinglash faoliyatida foydalana oladi.
O‘zini o‘zi rivojlantirish kompetensiyasi:
musiqa madaniyati fanini o‘rganadi, zarbli milliy cholg‘ularimiz haqida tushunchaga ega bo‘ladi, kuy va uning ifodalari haqida tushunchaga ega bo‘ladi, kattalarni gapiga quloq tutadi, musiqa ifoda vositalarini tushunadi va amalda ko‘rsata oladi, o‘qib-o‘rganish orqali bilimini oshirib boradi, mustaqil ravishda xalq aytimlarini ijro eta oladi va cholg‘ularni farqlay oladi. Bayram va marosim qo‘shiqlari xususida tushunchalarga ega bo‘ladi.
Ijtimoiy faol fuqarolik kompetensiyasi:
o‘zining o‘quvchilik burchi va vazifalarini biladi, mavsumiy bayram tadbirlarida faol ishtirok etadi. O‘z oilasi, mahallasi, Vatan oldidagi burchini biladi, o‘rtoqlari va o‘zidan kichiklarga yordam beradi, sinfdagi jihozlar, o‘quv qurollarini asrab-avaylash; maktabda, oilada, turar joyida bo‘layotgan jarayonlarda (turli tadbirlar, shanbalik va h.k.) ishtirok etadi.
Milliy va umummadaniy kompetensiya:
orasta kiyinish, do‘stlariga, yaqinlari va atrofdagilarga mehribon bo‘ladi, badiiy va san’at asarlarini tushunadi, ta’sirlana oladi, Vatanga sadoqatli, insonlarga mehr-oqibatli bo‘ladi.
Matematik savodxonlik, fan va texnika yangiliklaridan xabardor bo‘lish hamda foydalanish kompetensiyasi:
oilasida nechta odam borligi, nota yo‘lining soni hamda musiqiy tovushlar sonini biladi, kim katta, kim kichikligini biladi, turli mashqlar orqali nota yozuviga oid sanoqlarni biladi va amalda qo‘llay oladi, maktabga kelib ketadigan vaqtni biladi, nota yozuviga oid sanoqlarni bilish va amalda qo‘llay oladi, kundalik rejalarini tuza oladi, 4/4 o‘lchoviga dirijorlik harakatini bajarish sanoqlarini biladi va amalda qo‘llay oladi.
Nazorat ishi. (1 soat)
Mavzularni o‘rganish uchun - 30 soat
Nazorat ishi uchun - 4 soat
Jami - 34 soat
|
