O‘ZBEKISTON RESPUBLIKASI
XALQ TA’LIMI VAZIRLIGI
RESPUBLIKA TA’LIM MARKAZI
IJTIMOIY FANLAR BLOK MODULI BO‘YICHA
UMUMIY O‘RTA TA’LIMNING
O‘QUV DASTURI
(XI SINF)
DAVLAT VA HUQUQ
ASOSLARI
Toshkent-2018
TUSHUNTIRISH XATI
O‘quvchilar davlat va huquq asoslari faniga oid dastlabki tushunchalarni
I-IV-sinflardagi “Konstitutsiya alifbosi” darslarida, shuningdek, V-VII-sinflarda “Konstitutsiya olamiga sayohat” darslari orqali oladilar. Mazkur sinflarda Konstitutsiya va uning mohiyati, inson bilan qonun va huquqning bog‘liqligi, qonunlar, inson huquqlari, fuqarolarning burchlari haqidagi dastlabki tasavvurlar hosil qilinadi.
Umumiy o‘rta ta’limning 8-11-sinflarida o‘qitiladigan “Davlat va huquq asoslari” fanida jamiyat, davlat, shaxs va huquq tushunchalari, axloq va huquq munosabatlari, davlat va jamiyat munosabatlari, davlat shakllari, fuqarolik jamiyati va huquqiy davlat, huquqiy munosabatlar, huquqbuzarlik va uning kelib chiqishi, voyaga yetmaganlarning huquq va burchlari haqidagi tushunchalar, Konstitutsiyaviy huquq asoslariga doir tushunchalar: Konstitutsiyaning yaratilishi, asosiy prinsiplari, inson va fuqarolarning asosiy huquqlari, erkinliklari va burchlari, jamiyat va shaxs munosabatlari, davlat hokimiyati organlari va ularning vakolatlari, shuningdek, saylov tizimi va ma’muriy xududiy tuzilishi haqida bilimlar, huquq sohalariga doir asosiy tushunchalar o‘rgatiladi va o‘quvchilarni huquqiy munosabatda ishtirok etishda huquq normalariga rioya etish ruhida tarbiya qilinadi. Shuningdek, huquq sohalariga oid normativ – huquqiy hujjatlar bilan tanishib, ushbu normativ – huquqiy hujjatlarni amaliy hayotda qo‘llashga o‘rgatiladi.
|