39
muhimligiga bog‘liq holda va uning o‘zgarish tezligidan kelib chiqib kommutator
yordamida datchiklarni dasturiy so‘rovlab chiqadi. Analog-raqam o‘zgartiruvchi
qurilmalarning tezligi dinamik jarayonlarni o‘zgarish tezligidan ancha tez, shuning
uchun datchiklar soni ko‘p bo‘lgan tizimlarda bitta yoki bir nechta ARO‘ qurilma
bo‘lsa yetarlidir.
Boshqarish tizimlarni tarmoqli variantda qurilgan bo‘lsa raqamli signallar
kommutatori “svitchlar” dan foydalaniladi.
2.3. Signallarni uzatish interfeysi
Turli qurilmalar (datchiklar,
kuchaytirgichlar, ARO‘ qurilmalar) o‘rtasida
elektr signallarini uzatish uchun analog aloqa yo‘llari ishlatiladi. Raqamli signal
bo‘lgan taqdirda esa (ayniqsa taqsimlangan tizimlarda)
mahsus interfeyslar
ishlatiladi – turli qurilma va komponentlarni elektr,
mantiqiy va konstruktiv
mosligini ta’minlash uchun mo‘ljallangan apparat va dasturiy vositalar hamda
protokollar to‘plami. Interfey tarkibiga magistrallar (shina)
va hizmatchi hamda
signallar va axborot almashuv protokollarini amalga oshirish uchun qabul qilish
hamda uzatish adapterlari kiradi.
Axborotlarni shinadan uzatish usuli bo‘yicha
interfeyslarni ketma-ket va
parallel interfeyslarga ajratish mumkin. Ketma-ket interfeyslar ko‘pincha bitta
axborot yo‘lidan axborot bitlarini bir-birini ketidan uzatadi.
Parallel interfeyslar
ko‘p kanalliy (monokanal) shinadan yaxlit baytlab uzatishi mumkin.
