- foydalanuvchilar ma`lumotlar oqimi paketlarini aniqlash va registratsiya
qilish; Bunda foydalanuvchilar ma`lumotlar oqimi paketlarini registratsiya qilishda
manba va qabul qiluvchi IP-adresi va porti bilan IP protokoli identifikatori (IPv4
protokoli Type of Service identifikatori va IPv6 protokoli Traffic Class
identifikatori) ga mos talab qilingan xizmat ko`rsatish sifati bilan tenglashtirgan
holda belgilanadi;
- ma`lumot paketlari hajmi va uzatish parametrlari (uzatish tezligi va
kechikish vaqti) ni o`lchash;
- ma`lumot uzatish sifatini boshqarish;
- ma`lumot uzatish sifatini hisobga olgan holda real vaqt rejimida tarifikatsiya
qoidalarini qo`llash.
Abonentlarning xabarni qonuniy olish funktsiyasi davlat tashkiloti vakiliga
xususiy axborot (masalan, telefon so`zlashuvlariga, uzatilayotgan ma`lumotlarga,
SMS, MMS xabarlariga, elektron pochta xabarlariga) ga ruxsatni taqdim etish
imkonini beradi. Ushbu funktsiya LTE tarmog`i operatori tomonidan ham, kirish
tarmog`i provayderi tomonidan ham va xizmatlar provayderi tomonidan ham
amalga oshiriladi.
Ma`lumot paketlarini marshrutlash va tashish funktsiyasi. Marshrutlash
funktsiyasi yordamida bitta mobil aloqa tarmog`i ichida hamda bir nechta
tarmoqlar o`rtasida ma`lumot paketlarini tashish marshrutini aniqlanadi. Ma`lumot
paketlarini tashish marshruti marshrutizatsiya jadvali asosida o`rnatiladi va
chiquvchi tugun, oraliq tugun, oxirgi tugun kabi tarmoq tugunlaridan tashkil
topadi. SAE tarmog`i IP-protokoliga asoslangan va bu o`z navbatida IP-
tarmoqning ma`lumotlarni tashish va marshrutizatsiya mexanizmlarini ishlatadi.
Ma`lumot paketlarini marshrutizatsiya va tashish funktsiyasi bajarilayotganda
bir qancha kichik funktsiyalar amalga oshiriladi.
