Ma`lumot paketlarini tekshirish (skanerlash) funktsiyasi mobil terminal
ishlatayotgan IP-adresning turi: IPv4 turidagi adres, yoki IPv6 adresi perefiksli
IPv4 (masalan, ::ffff:IPv4) adres turi, yoki IPv6 adres turi ekanini tarmoqda
tekshirish imkonini beradi.
Xavfsizlikni ta`minlash funktsiya. LTE tarmog`ida xavfsizlikni ta`minlash
funktsiyasini amalga oshirishda quyidagi asosiy vazifalar bajariladi:
- foydalanuvchi
autentifikatsiyasi
va
so`ralgan
xizmatning
berilish
mumkinligini tasdiqlash yordamida LTE tarmoq xizmatlaridan ruxsatsiz
foydalanishdan himoyalash;
- muvaqqat idetifikatorlar va shifrlash kalitlari yordamida abonentlar
autentifikatsiyasi mahfiyligini ta`minlash;
- shifrlash yordamida abonent ma`lumotlarini mahfiyligini ta`minlash;
- signalizatsiya xabarlarida berilayotgan ma`lumotlarning autentifikatsiyasini
taminlash;
- tarmoqda mobil terminallar autentifikatsiyasini ta`minlash;
- mobil terminalni identifikatsiyalash.
Keyingi protseduralarni batafsil ko`rib chiqamiz.
Mobil terminal identifikatsiyasi MMe mobillikni boshqaruv modulida yoki
HSS abonent ma`lumotlari serverida P-GW paketli shlyuzida identifikatsiya
registri (Equipment Identity Register — EIR) yordamida bajariladi va mobil
terminal qurilmasining haqiqiyligini tekshirish uchun mo`ljallangan. Mobil
terminalning tarmoqqa haqiqiyligini tekshirish o`g`irlangan yoki kamchiligi bor
mobil terminalni ishlatilishiga yo`l qo`ymaydi. Mobil terminal identifikatsiyasi
EIR identifikatsiya registriga mobil terminalning xalqaro identifikatori IMEI ni
uning haqiqiyligini tekshirish uchun yuborish va undan so`ng, EIR registri javobini
kerakli ish (masalan, agar EIR mobil terminalning “qora ro`yxat” da borligini
aniqlasa “ulanishni uzish” komandasini uzatish) ni bajarish uchun tahlil qilish yo`li
bilan MMe modulida amalga oshiriladi.
Roumingda mobil terminal identifikatsiyasi ahamiyatli ekanini ta`kidlash
lozim. Mobil terminal identifikatsiyasi tarmoq mobil terminaldan ulanish Initial
24
Attach (Initial Attach so`rovi xendover protsedurasi bilan bog`liq bo`lgan hol
bundan mustasnodir) uchun so`rov olganda hamda E-UTRAN tarmog`ida mobil
terminal turgan joy haqidagi ma`lumot yangilanish (Tracking Area Update —
TAU) protsedurasi ishlaganda, agar bungacha mobil terminal UTRAN/GERAN
tarmog`ida bo`lgan bo`lsa va unga oldin xizmat ko`rsatgan SGSN tuguni mobil
terminal identifikatsiyasi haqidagi ma`lumotni taqdim etmagan bo`lsa, xududiy
tarmoq EIR registri tomonidan amalga oshiriladi.
Mobil terminal UE haqiqiyligini tekshirish protsedurasi
1.4- rasmda ko`rsatilgan.
1.4- rasm mobil terminal haqiqiyligini tekshirish protsedurasi
