1.1. Korxonalarda avtomatlashtirilgan axborotlar tizimining tashkil qilinishi.
Informatsiyalar (ma’lumotlar) har qanday korxonalar faoliyatida muhim rol o’ynaydi. Bu ma’lumotlar ma’lum ko’rinishda qog’ozlarda yoki magnit disklarda keng foydalanishi mumkin bo’lgan formada saqlanadi va qayta ishlanadi. Bu ma’lumotlardan kerakli informatsiyalar olinadi. Olinayotgan ma’lumotlarni statistik ma’lumot sifatida qaralishi mumkin. Ma’lumotlarni qayta ishlashi oqibatida kerakli informatsiya qoladi.
Korxonalarda axborotlarni to’plash va ro’yhatdan o’tkazish operatsiyalari ham qo’lda, ham texnik vositalar yordamida bajariladi. Lekin ma’lumotlarni qo’lda to’plash va ro’yhatdan o’tkazishda tegishli xizmatlar mutaxassislari va texnik vositalarsiz alohida ijrochilar yoki qog’oz tashuvchida ishlovchi qurilmalar ishlari natijalarini aks ettiruvchi sifat, og’irlik va hajm tavsiflarni ro’yhatdan o’tkazadi. Bunday yondashuv katta mehnat sig’imini talab etadi va bundan keyingi ma’lumotlarni mashina tashuvchiga ko’chirishni ko’zda tutadi, bu hol umuman qayta ishlashning texnologik jarayoni samaradorligini sezilarli darajada kamaytiradi. SHuning uchun ham korxonalarda axborotni mashinada to’plash va ro’yhatdan o’tkazish avtomatlashgan yoki avtomatik usulda bajariladi[7,5].
Boshlang’ich axborotni shakllantirishning avtomatlashgan usuli, operatsiyalar, ma’lumotlarni ro’yhatdan o’tkazishda ularni mashina tashuvchiga yoki bevosita EHMga kiritishga imkon beruvchi texnik vositalar yordamida amalga oshiriladi.
Boshqaruv — eng muhim vazifadir, usiz har qanday ijtimoiy-iqtisodiy, tashkiliy-ishlab chiqarish tizimi (korxonalar, tashkilotlar)ning maqsad sari yo’naltirilgan faoliyatini tasavvur etib bo’lmaydi.
Axborot tizimi boshqaruv xizmatlari xodimlariga axborotli xizmat ko’rsatuvchi tizim sifatida axborotlarni jamlash, saqlash, uzatish va ishlab chiqish bo’yicha texnologik vazifani bajaradi.
|
