|
O„zbekiston respublikasi oliy ta‟lim, fan
|
| bet | 101/119 | | Sana | 24.05.2024 | | Hajmi | 4,33 Mb. | | #252328 |
Bog'liq MM Mahsulot sifati nazorati-2022Mahsulotning davlat sinovlarida metrologik ta‟minot
Sinovlarning metrologik ta’minoti - bu mahsulot va xizmatlarning sifat va xavfsizlik koʻrsatkichlari qiymatlari toʻg‘risida ishonchli oʻlchov ma‘lumotlarini olish uchun zarur boʻlgan ilmiy va tashkiliy asoslarni, texnik vositalarni, metrologik qoidalarni yaratish va qoʻllash.
Sinovlarni metrologik ta’minlashning maqsad va vazifalari:
sinov paytida ishonchli oʻlchash ma'lumotlarini olish uchun zarur shart- sharoitlarni yaratish;
belgilangan me‘yorlar chegarasidan tashqariga chiqmaydigan xatoliklar va takrorlanuvchanlik bilan natijalarni olishni ta‘minlaydigan sinov usullarini ishlab chiqish;
sinov dasturlarini ishlab chiqish, sinov dasturlari va usullarini metrologik ekspertizadan oʻtkazish;
sohalarda foydalaniladigan oʻlchov vositalarining davlat metrologik nazorati va tekshirilayotgan mahsulot parametrlarini nazorat qilish uchun qoʻllanilishini ta‘minlash;
sinov uskunalarini belgilangan talablarga muvofiq sertifikatlashni ta'minlash;
davlat metrologik tekshiruvi va nazoratidan oʻtkazilmaydiga oʻlchov vositalarining kalibrlanishini ta‘minlash;
sinov boʻlinmalari xodimlarini oʻlchov va sinovlarni oʻtkazish, jihozlarga texnik xizmat koʻrsatish uchun tayyorlash.
Sinovlarni metrologik qoʻllab-quvvatlashga qoʻyiladigan asosiy talablar. Majburiy sertifikatlash (muvofiqlik deklarasiyasi) maqsadida sinovlar oʻtkaziladigan korxonalarda oʻlchashning bir xilligini ta‘minlash uchun metrologiya xizmati yoki boshqa tashkiliy tuzilma tashkil yetilishi kerak.
Sinovlarni oʻtkazish uchun ishlatiladigan oʻlchov vositalarining turlari tasdiqlangan boʻlishi kerak.
Sinov paytida, xususan, sinovdan oʻtgan mahsulotlarning xususiyatlarini kuzatishda, xavfli va zararli ishlab chiqarish jarayonlarining parametrlarini, atrof- muhit holatini kuzatishda ishlatiladigan oʻlchash vositalarining nusxalari qiyoslanishi kerak.
Ixtiyoriy sertifikatlash jarayonida foydalaniladigan oʻlchash vositalarining nusxalari sertifikatlashtirishdan va kalibrlashdan oʻtkazlishi lozim.
Sinov natijalari maxsus bayonnomada qayd etiladi, unda quyidagi ma‘lumotlar koʻrsatilishi kerak:
sinov obyektlarining nomi;
sinov metodologiyasini tartibga soluvchi hujjatlarning nomi va belgilanishi;
sinov sharoitlari va tashqi ta'sir qiluvchi omillarning xususiyatlari;
sinov natijalari (xatoliklarning xususiyatlarini koʻrsatgan holda);
sinovlarda ishlatiladigan standartlar va oʻlchov vositalarining nomlari, turlari yoki asosiy xususiyatlari;
sinov boʻlinmasining rekvizitlari.
|
| |
