O‘zbekiston respublikasi oliy va o‘rta maxsus ta’lim vazirligi alisher navoiy nomidagi toshkent davlat o‘zbek tili va adabiyoti universiteti

KIRISH 
Mazkur qo‘llanma Oliy va o‘rta maxsus ta’lim vazirligi 
tomonidan 2016-yil 25-avgustda tasdiqlangan 5120100 – filologiya 
va tillarni o‘qitish, 5111200 – o‘zbek tili va adabiyoti bakalavr 
yo‘nalishlari uchun namunaviy o‘quv dasturi (tuzuvchilar: 
Muhamedova S.X., Adilova S.) asosida 19 mavzu (modul) bo‘yicha 
qo‘llanma sifatida tayyorlandi. 
Bugungi kunda mamlakatimiz ijtimoiy-ma’naviy hayotining 
barcha sohalarini axborot texnologiyalarisiz tasavvur qilish qiyin. 
Ayniqsa, ta’lim-tarbiya tizimiga, ta’limning barcha turlarida o‘quv-
tarbiya jarayoniga axborot texnologiyalarini olib kirish orqali ta’lim 
sifatini uzluksiz ravishda takomillashtirib borish, samaradorligini 
orttirishga keng e’tibor qaratilmoqda. Bu borada O‘zbekiston 
Respublikasi Birinchi Prezidentining 2010-yil 28-sentabrdagi PF-
3501-son Farmoni, Vazirlar Mahkamasining 2011-yil 21-fevraldagi 
12-son bayoniga asosan “Elektron ta’lim” Milliy tarmog‘ini tarkib 
toptirish loyihasi doirasida Oliy va o‘rta maxsus ta’lim vazirligi 
tizimida “Elektron ta’lim” tarmog‘i shakllantirilgan. Bunday tarmoq 
Xalq ta’limi vazirligi tizimida ham mavjud. Ushbu tarmoqlar 
kontentini boyitishda elektron ta’lim resurslari qamrovini 
kengaytirish muhim ahamiyat kasb etishini ta’kidlash o‘rinlidir. 
O‘zbekiston Respublikasi Birinchi Prezidenti I.Karimovning 2016-
yil 13-maydagi “Alisher Navoiy nomidagi Toshkent davlat o‘zbek 
tili va adabiyoti universitetini tashkil etish to‘g‘risida”gi farmonida 
ham “Zamonaviy ta’lim texnologiyalarini chuqur o‘zlashtirgan, davr 
talablariga javob beradigan yuksak malakali ilmiy va pedagog 
kadrlar tayyorlash, umumta’lim maktablari, akademik litsey va kasb-
hunar kollejlari, oliy ta’lim muassasalarida o‘zbek tili va adabiyoti 
fanini o‘qitishning yangi va samarali metodlari bo‘yicha ilmiy 
izlanishlar olib borish, ilg‘or pedagogik texnologiyalarni keng joriy 
etish” borasida ulkan vazifalar qo‘yildi. 
O‘zbekiston Respublikasi Prezidenti Sh.M.Mirziyoyev 2017-yil 
14- yanvar kuni Vazirlar Mahkamasining mamlakatimizning 2016-
yildagi ijtimoiy-iqtisodiy rivojlantirish yakunlarini har tomonlama 
tahlil qilish hamda respublika Hukumatining 2017- yil uchun 
iqtisodiy va ijtimoiy dasturi eng muhim yo‘nalishlari va ustuvor 
vazifalarini belgilashga bag‘ishlangan kengaytirilgan majlisda qilgan 
ma’ruzasida: “Bolalar va yoshlarga maxsus fanlar, mamlakatimiz va 
3

jahon sivilizatsiyasi tarixini, xorijiy tillarni va zamonaviy kompyuter 
dasturlarini chuqur o‘rgatish vazifalari hali sifatli va to‘liq holda 
yechilgani yo‘q. Yana bir muammoni hal etish o‘ta muhim 
hisoblanadi: bu – pedagoglar va professor-o‘qituvchilar tarkibining 
professional darajasi, ularning maxsus bilimlaridir. Bu borada ta’lim 
olish, ma’naviy-ma’rifiy kamolot masalalari va haqiqiy qadriyatlarni 
shakllantirish jarayonlariga faol ko‘mak beradigan muhitni yaratish 
zarur” – deb ta’kidladilar
1
. Bu muammoni hal qilishda kompyuter va 
axborot texnologiyalarini yanada mukammal o‘rganish, ulardan dars 
jarayonida unumli foydalanishga ehtiyoj ortadi. Xususan, bo‘lg‘usi 
o‘zbek tili va adabiyoti o‘qituvchilarini tayyorlashda o‘zbek tili va 
adabiyotini o‘qitishda qo‘llanilishi mumkin bo‘lgan axborot-
kommunikatsiya texnologiyalari, ulardan foydalanish metodikasiga 
muhim o‘rin ajratiladi. O‘zbek tili va adabiyoti ta’limida zamonaviy 
axborot 
texnologiyalarini 
o‘zlashtirishda talabalarga o‘quv 
mashg‘ulotlari jarayonida qo‘llaniladigan pedagogik dasturiy 
vositalar, o‘zbek tili va adabiyoti darslari uchun tayyorlanadigan 
resurslar va ularga qo‘yiladigan talablar, bu boradagi chet el tajribasi 
haqida ma’lumot berish talabalarda axborot asri sharoitida pedagogik 
jarayonni samarali tashkil etish uchun zarur ko‘nikmalarni, ijodiy va 
texnologik madaniyatni shakllantirishga asos bo‘ladi.
Mazkur fan Siz – talabalarga pedagogik amaliy dasturlar haqida 
ma’lumot berish, til va adabiyot ta’limi uchun elektron adabiyotlar 
yaratish, mashq va topshiriqlar, testlar, boshqotirmalar tuzish 
jarayonini o‘rgatishga yo‘naltirilishi orqali ta’lim jarayonini 
axborotlashtirishni jadallashtirishda dolzarblik kasb etadi. “O‘zbek 
tili va adabiyoti ta’limida zamonaviy axborot texnologiyalari” fani 
o‘zbek tili va adabiyotini o‘qitishda qo‘llanilishi mumkin bo‘lgan 
axborot-kommunikatsiya 
texnologiyalari, 
ulardan 
foydalanish 
metodikasini o‘rgatishga yo‘naltirilgan. 

Download 3,18 Mb.