121
7.1.2. Tarkibida gidrokso- va Ol guruhlari bo‘lgan Cr(III)
birikmalari
Charm va mo‘yna sanoatida xrom birikmalarining tutgan o‘rni.
Bizning eramizdan 2 ming yil oldin Misr yodgorliklari,
Piramida qabrlaridagi jasadlarga o‘simlik oshlovchilari bilan
oshlangan charmdan poyabzal kiygizilganligi qadimdan ma’lum
ekanligi aniq.
Keyinchalik kimyo sanoatining rivojlanishi charm va mo‘yna
sanoatining rivojiga katta hissa qo‘shdi. Buning asosiy sababi,
anorganik tuzlarning xossalarini o‘rganish ularni boshqa sanoat
mahsulotlari ishlab chiqarishda qo‘llash mumkinligini ko‘rsatdi.
Xrom birikmalari bilan oshlash XIX asrning oxirlaridan
qo‘llanila boshlangan. Tabiatda alyuminiy va temir tuzlari ko‘p
tarqalganligi sababli, ularga qiziqish katta bo‘lgan.
Qadimdan temir tuzlari bilan oshlash xrom tuzlari bilan
oshlashdan oldin ma’lum bo‘lgan bo‘lsada, keyinchalik xrom tuzlari
bilan terini oshlash boshqa temir va alyuminiy tuzlari bilan
oshlashni siqib chiqargan. Buning asosiy sababi, xrom tuzlari bilan
oshlangan charmning xususiyatlari yaxshi bo‘lgan.
