Hewlett Packard kompaniyasining grafik tili

176
7-
BOB.
 
VEKTOR GRAFIKASI
Mavzu rejasi:
Vektor tasvirlar va uni qurish turlari. 
Vektor grafikaning vazifalari, turlari. 
Adobe Illustrator Corel Draw imkoniyatlari. 
7.1. Vektor tasvirlarni qurishning 
asosiy tushunchalari va tamoyillari
Vektorli grafikada (6.3-rasmga qarang) tasvir obyektlar, doiralar va 
chiziqlarning matematik tavsifari yordamida quriladi. Bu bir qarashda 
rastr massivlarini ishlatishdan ko‘ra murakkabroq ko‘rinsada, ayrim 
turdagi tasvirlar uchun matematik tavsifardan foydalanish osonroq 
hisoblanadi.
Vektorli grafikaning kaliti shundaki, u obyekt uchun kompyuter 
ko‘rsatmalari va matematik formulalar kombinatsiyasidan foydalanadi. 
Bu hisoblash qurilmalariga ushbu obyektlarni chizishda haqiqiy 
nuqtalarni hisoblash va kerakli joyga joylashtirish imkonini beradi. 
Vektorli grafikaning bu xususiyati rastr grafikaga nisbatan bir qator 
afzalliklarni beradi, lekin ayni paytda uning kamchiliklariga sabab 
bo‘ladi. Vektorli grafika ko‘pincha obyektga yo‘naltirilgan yoki chizma 
grafiklari deb ataladi.
Doiralar, chiziqlar, sharlar, kublar kabi obyektlar sodda va 
murakkabroq obyektlarni yaratish uchun ishlatiladi. Vektorli grafikada 
obyektlar turli obyektlarni birlashtirish orqali yaratiladi. Sodda 
obyektlarni yaratish uchun oddiy tavsifardan foydalaniladi. To‘g‘ri 
chiziqlar, yoylar, doiralar, ellipslar va qattiq yoki o‘zgaruvchan 
yorug‘lik joylari batafsil tasvirlarni yaratish uchun ishlatiladigan ikki 
o‘lchovli chizmalardir.
Uch o‘lchovli kompyuter grafikasida sfera va kub kabi elementlardan 
murakkab chizmalar yaratish mumkin. Vektor obyektlarini tavsifovchi 
buyruqlar, ehtimol, ko‘pchilik foydalanuvchilar tomonidan hech 
qachon ko‘rinmaydi. Obyektlarni qanday tasvirlashni aniqlash vektor 
obyektlarini tayyorlash uchun ishlatiladigan kompyuter dasturi bo‘ladi. 

177
Vektor chizmalarini yaratish uchun ko‘plab rasmlar paketlaridan birini 
ishlatish kerak.
Vektorli grafikaning afzalligi shundaki, tavsifi oddiy va kompyuter 
xotirasida kam joy egallaydi. Biroq, kamchiligi ham shundaki, batafsil 
vektor obyekti juda murakkab bo‘lishi mumkin, u foydalanuvchi 
kutganidek chop etilmasligi yoki printer vektor buyruqlarini noto‘g‘ri 
talqin qilgan yoki tushunmasa, umuman chop etilmasligi ham mumkin.
Vektorli grafik dasturlari obyekt turlaridan biri sifatida rastrlarni 
yaratish imkoniyatiga ega. Chunki rastr faqat kompyuter uchun 
ko‘rsatmalar to‘plamidir va ko‘rsatmalar juda oddiy bo‘lgani uchun 
vektor grafiklari boshqa obyektlar bilan teng ravishda rastrlarni idrok 
eta oladi. Rastrlarni vektor ko‘rinishidagi obyekt sifatida joylashtirish 
mumkin bo‘lsada, undagi alohida piksellarni tahrirlay yoki qayta 
shakllantirib bo‘lmaydi.

Download 6,82 Mb.