229
Raqamli video manbalari.
Raqamli video signallarning manbalari
sifatida faqat raqamli videokameralar ko‘rib chiqiladi. Boshqa raqamli
video manbalari – Video CD va DVD disklarni kompyuterdagi tegishli
qurilmalar (CD yoki DVD) yordamida osongina o‘qiladi va ishlatiladi.
Barcha DV / Digital8 / MicroMV raqamli
videokameralari IEEE
1394 (FireWire) interfeysiga ega bo‘lib, ular orqali kompyuterga ulanadi.
Zamonaviy ona platalarda o‘rnatilgan IEEE 1394 kontrolleri mavjud va
alohida interfeys kartasini sotib olish ham qiyin emas.
Kamerani ulash
uchun kabel sizga yana 2 – 3 dollar turadi (20 – 30
dollarga qimmat
markali kabelni sotib olishning hojati yo‘q, ma’lumotlar raqamli shaklda
bo‘lganligi sababli yo‘qotishlarsiz uzatiladi). IEEE 1394 ulagichlarining
bir nechta turlari mavjud, shuning uchun kabel sotib olayotganda ehtiyot
bo‘lish kerak. Hozirgi zamon raqamli kameralar
yana bir iterfeys USB
bilan boyitilgan bo‘ladi.
Raqamli kamera tomonidan yozilgan audio ham raqamli kodlangan
va video bilan birga uzatiladi (bir raqamli
ulanish orqali va umum
ma’lumotlar oqimida).
Albatta, raqamli videokamerani analog
interfeys orqali ulash
mumkin, ammo “raqamli-analog-raqamli”
signalning ikki marta
konvertatsiyasi tasvir sifatiga foyda keltirmaydi.
