| BEYSIK PROGRAMMALASh TILI
Beysik tilining nomi inglizcha BASIC (Beginners All-purpose Sumbolic Instruction Code) ning o'qilishiga mos kelib, boshlovchilar uchun belgili ko'rsatmalarning universal kodi (tili) degan ma'noni anglatadi.
1963 yil may oyida Beysik tili “GENERAL ZLECTRIC” firmasining DATANET-30, GE-225, GE-235 kabi kompyuterlarida qo'llana boshlandi.
Shuni ta'kidlash lozimki, beysik tili shu paytlarda mavjud bo'lgan Fortran, Algol, IOSS, CORC kabi dasturlash tillari asosida yaratilgan bo'lib, bu tillarning ayrim elementlarini o'z ichiga olgan.
Kemeni va Kurts tomonidan yaratilgan 1964 yilda chop etilgan Beysik tilidagi dastur qo'yidagi ko'rinishga ega bo'lgan:
10 LET X(7)
20 PRINT X
30 END
1965 yildan 1971 yilgacha Beysik tilining bir qancha ko'rinishlari matbuotda chop etildi. 1975 yilda MITS firmasining xodimlari P. Allen va B. Geyts tomonidan ALTAIR-8800 mikro-EHM lari uchun Beysik tili interpretatori yaratildi.
Keyinchalik bu olimlar tashkil qilgan “Microsoft” firmasi tilning rivojlanishi va mikro-EHM va PEHM larda joriy etilishiga salmoqli hissa qo'shdilar. “Microsoft” firmasi yaratgan Beysik tilining birinchi ko'rinishi: “Apple” va “Tandy” firmalarining PEHM larida joriy etildi. 1979 yilda “Microsoft” firmasi MBASIC (BEYSIK-80) nomli Beysik tilining yangi ko'rinishini yaratdi. Bu til IBM firmasining kompyuterlari uchun yaratilgan interpretator va MS-DOS operasion sistemalari ko'magida keng tarqaldi. 1981 yilda “Microsoft” firmasi IBM PC kompyuterlari uchun Beysik-80 tilining kengaytirilgan ko'rinishi BASIC-A ni yaratishdiki, unda matnlar va grafik holatda ishlash imkoniyatlari mavjud edi. BASIC-A tilining kengaytirilishi va rivojlanishi, yangi imkoniyatlarning qo'shilishi bilan uning yangi ko'rinishi quick BASIC tili vujudga keldi.
Mutaxassislar uchun yaratilgan mini-EqMlar “YES”-1841, “YES”-42, Iskra-1030.11, Neyron I9.66, IBM PC bilan dastur moslikdagi EHM lar uchun Beysik tilining MBASIC ko'rinishi OS SR/M-86 va MS-DOS sistemalari uchun joriy etildi. Bundan tashqari MSX-BASIC tilida ishlovchi Yaponiyaning “Yamaxa MSX” va “Yamaxa MSX-2” xo'jalik kompyuterlari maktab o'quv-hisoblash texnikasi majmuasida (KUVT) keng qo'llanilmoqda.
| 