112
V BOB. SANOAT KORXONASI ISHLAB CHIQARISH
DASTURI VA QUVVATI
5.1
Ishlab chiqarish dasturi mazmuni
Ishlab chiqarish dasturi
– paxta tozalash korxonasi biznes-rejasining
muhim tarkibiy qismi hisoblanadi. Ushbu bo‗limda ishlab chiqariladigan mahsulot
nomenklaturasi, assortimenti, hajmi, ishlab chiqarish muddati va sifat tavsiflari
ko‗rsatiladi.
Mahsulot ishlab chiqarish rejasi biznes-rejaning foyda, rentabellik, tannarx,
moliya rejalari va davlat byudjeti bilan chambarchas bog‗liq. Ishlab chiqariladigan
va uni sotish hajmi foydadan olinadigan ajratmaga va soliq miqdoriga ta‘sir qiladi,
chunki bu ko‗rsatkichlar davlat byudjetining asosiy manbai bo‗lib xizmat qiladi.
Ishlab chiqarish hajmi natural va qiymat ko‗rsatkichlari bilan ifodalanadi.
Ishlab chiqarish korxonalarining ish faoliyati natijalari asosida yaratiladigan
mahsulotlar tarkibi jihatidan quyidagi turlarga ajratiladi: tovar, yalpi, sof va
sotilgan mahsulotlar.
