Subkontoning har bir turi bo’yicha qo’shimcha ma’lumotlar priznaki o’rnatilishi
mumkin:
-
faqat aylanmalar hisobi – subkonto qoldig’i bo’yicha hisob yuritilmayotgan
paytda maqsadga muvofiq hisoblanadi;
-
hisob so’mda olib borilishi – ko’rgina hollarda maqsadga muvofiq hisoblanadi;
-
miqdoriy hisob – TMZ schyotlari uchun maqsadga muvofiq;
-
valyuta hisobi – balansning valyuta moddalari bo’yicha olib borish maqsadga
muvofiq hisoblanadi.
2.3. Faoliyat ko’rsatayotgan korxona ma’lumotlaridan foydalanilgan holda
boshlang’ich qoldiqlarni shakllantirish
Korxonalarning buxgalteriya hisobini avtomatlashtirilgan tizimda olib borish
uchun korxonalarni shartli ravishda ikkiga bo’lish lozim: a) yangi ochilgan korxona,
b) faoliyat ko’rsatayotgan korxonalar. Agar korxona yangi bo’lsa, schyotlar bo’yicha
qoldiqlar kiritilmaydi. Lekin korxona o’z faoliyatini davom etayotgan bo’lsa, xo’jalik
operatsiyalarini qayd qilishdan oldin boshlang’ich qoldiqlarni kiritishi lozim bo’ladi.
Qoldiqlarni hisobot davrining – yil, chorak yoki oyning birinchi sanasida kiritish
maqsadga muvofiq hisoblanadi. Qoldiqlarni kiritish sanasi hisobot davri boshidagi
sanadan oldin bo’lishi shart. Masalan, yil boshidagi qoldiqlar o’tgan yilning 31
dekabri bilan kiritilishi lozim.
Korxonaning boshlang’ich qoldiqlarni aniqlab olish uchun, moliyaviy hisobot
elementlarining har biri moddasi 19-BHMSga binoan inventarizatsiyadan o’tkaziladi
va qoldiqlarni aniqlanishi kerak.
Masalan, kontragent - mol etkazib beruvchi – uning to’liq nomi va manzili,
telefon raqami, bankining nomi, bankdagi hisob raqami, MFO kodi, STIR, OKONX
kodi, u bilan tuzilgan shartnoma raqami va sanasi.
Tovar-moddiy zahira, xom-ashyo va materiallar – uning turi, nomi, miqdori –
natura va so’mda, sorti, navi va boshqalar.
