5
o’rganish, tahlil qilish va qo’llash natijasida uning milliy iqtisodiyotga mos keluvchi
jihatlarini tanlab olib amalda qo’llash va shu orqali iqtisodiy o’sishga erishish mumkin.
Shuning uchun ham "jahon iqtisodiyoti va xalqaro iqtisodiy munosabatlar"
fanini
o’rganish katta ahamiyat kasb etadi.
Albatta, har bir davlatning o’z xalqaro iqtisodiy munosabatlarga kirishish imkoniyatlari,
xalqaro iqtisodiy potentsiali o’ziga xos ravishda turlicha bo’ladi. Ammo,
bu munosabatlarni
amalda qo’llashda umumiy nazariyalar mavjudki, ulardan o’ziga
xos barcha
davlatlar,ularning ishlab chiqarish korxonalari qo’llashi mumkin.Bu fanni o’rganishning yana
bir muhim jihati shundaki, ayrim davlatlardagi ishlab chiqarish
potentsialini tahlil qilish
natijasida shu davlatlardan iqtisodiy resurslarni migratsiyasini amalga oshirish imkoniyatlarini
o’rganish va kelajakda buni amalga tadbiq etish maqsadida amaliy tavsiyalar beriladi.
Bundan
tashqari, mazkur fan bizning milliy iqtisodiyotimiz uchun ancha yangi va
o’rganilishi zarur bo’lgan sohalardan xalqaro moliya,valyuta munosabatlari,investitsiyalarni jalb
etish borasidagi tajribalarni o’rganish imkoniyatini beradi.
Hozirgi zamonaviy sharoitlarda harakatlanib rivojlanayotgan jahon xo`jaligini
tahlil
etishda uni harakterlovchi dogmatik qarashlarni o’rganib chiqish zarur bo’ladi. Yaqin
vaktlargacha jahon xo`jaligi 3 ta qismdan iborat deb qaralar edi. Bular: "kapitalistik dunyo",
"sotsialistik dunyo" va "uchinchi davlatlar dunyosi". Davlatlarning rivojlanishi bir g’oyaga
yo’naltirilar edi: zamonaviy davrning asosiy tarkibi kapitalizmdan sotsializmga o’tish
davri
deb tushuntirilar edi. Hozirgi kunda kapitalizmning emirilishi va kapitalizmdan sotsializmga
o’tish g’oyasining rad etilishi jahon xo`jaligining ob`ektiv jihatdan uning tarkibini o’rganib
chiqishni taqozo etadi.
