Oʻzbekiston respublikasining soliq kodeksi (Yangi tahriri) Oʻzbekiston Respublikasining

Download 2,93 Mb. Pdf ko'rish
bet	7/352
Sana	21.05.2024
Hajmi	2,93 Mb.
	#248757

1 2 3 4 5 6 7 8 9 10 ... 352

Bog'liq
soliq kodeksi 2023

7-modda. Soliq solish prinsiplari
Soliq solish majburiylik, aniqlik va soliq organlarining soliq toʻlovchilar bilan hamkorligi,
adolatlilik, soliq tizimining yagonaligi, oshkoralik va soliq toʻlovchining haqligi prezumpsiyasi
prinsiplariga asoslanadi.
8-modda. Majburiylik prinsipi
(1-q.)
Har bir shaxs ushbu Kodeksda belgilangan soliqlar va unda nazarda tutilgan
yigʻimlarni toʻlashi shart.
(2-q.)
Hech kimga soliqlar va yigʻimlarning barcha alomatlariga ega boʻlgan, biroq ushbu
Kodeksda nazarda tutilmagan yoxud uning normalari buzilgan holda belgilangan soliqlar va
yigʻimlarni toʻlash majburiyati yuklatilishi mumkin emas.
9-modda. Soliq solishning aniqligi va soliq
organlarining soliq toʻlovchilar bilan
hamkorligi prinsipi
(1-q.)
Soliqlarni va yigʻimlarni belgilovchi soliq toʻgʻrisidagi qonunchilik hujjatlari, agar
ushbu Kodeksda boshqacha qoida nazarda tutilmagan boʻlsa, soliq toʻlovchilarni hamda ushbu
soliqlarning va yigʻimlarning boshqa barcha elementlarini, shu jumladan ularni toʻlash muddatlari
va tartibini aniqlab berishi kerak.
(OʻzR 21.04.2021-y. OʻRQ-683-son Qonuni tahriridagi qism)
(2-q.)
Soliq organlari soliq munosabatlari doirasida soliq toʻlovchilar bilan soliq
toʻgʻrisidagi qonunchilikni toʻgʻri bajarish maqsadida hamkorlik qilishi shart. Bunda soliq
organlari soliq toʻlovchilarning qonuniy faoliyatiga asossiz toʻsiqlar yaratishga haqli emas, soliq
toʻlovchilar esa soliq organlari oʻz vakolatlarini amalga oshirishi uchun shart-sharoit yaratishi
kerak.
(OʻzR 21.04.2021-y. OʻRQ-683-son Qonuni tahriridagi qism)

10-modda. Adolatlilik prinsipi
(1-q.)
Soliqlar va yigʻimlar kamsitish xususiyatiga ega boʻlishi hamda ijtimoiy, irqiy, milliy,
diniy va boshqa shu kabi mezonlardan kelib chiqqan holda qoʻllanilishi mumkin emas.
(2-q.)
Mulkning shakliga, jismoniy shaxslarning fuqaroligiga yoki kapitalning kelib chiqish
mamlakatiga qarab farqlangan soliq stavkalarini, soliq imtiyozlarini yoki boshqa afzalliklarni
belgilashga yoʻl qoʻyilmaydi.
(3-q.)
Fuqarolarning oʻz konstitutsiyaviy huquqlarini amalga oshirishiga toʻsqinlik qiladigan
soliqlarni belgilashga yoʻl qoʻyilmaydi.

Download 2,93 Mb.

1 2 3 4 5 6 7 8 9 10 ... 352

Download 2,93 Mb.

Pdf ko'rish