Key words:natural sciences, creative activity, educational process, competence-based approach,
basic competencies. Kirish. XXI asrda jahon miqyosida ta’lim barqaror taraqqiyotni ta’minlovchi asosiy omil sifatida
e’tirof etilib, 2030-yilgacha belgilangan xalqaro ta’lim konsepsiyasida “sifatli ta’lim olish va ijodiy
qobiliyatni ragʻbatlantirish” dolzarb vazifa sifatida belgilandi [3]. Bugungi kunda jahon miqyosida sifatli
ta’lim berish jarayoni kechmoqda. Bu borada mamlakatimiz umumiy oʻrta ta’lim oʻquv rejalari va
dasturlarini takomillashtirishda milliy pedagogik tajribadan tashqari TIMSS, PISA, PIRLS va STEAM
xalqaro ta’lim dasturlarining mazmuniga moslashtirildi. Ushbu xalqaro ta’lim dasturlarida oʻquvchilarga,
eng avvalo, tabiiy va aniq fanlar boʻyicha chuqurlashtirilgan ta’lim berish nazarda tutilgan. Bularning
barchasi boshlangʻich sinf oʻquvchilariga dastlabki bosqichda tabiiy-ilmiy bilimlarni maqsadli berishni
taqozo etadi. Mazkur jarayonda boshlangʻich sinf oʻquvchilarining bilim va savodxonlik darajasini
kuchaytirish, “... oʻquvchilarning fanlar asoslari boʻyicha muntazam bilim olishlari, ularda ..., ijodiy fikrlash
va atrof-muhitga ongli munosabatda boʻlishni va kasb tanlashni rivojlantirish” [4] muhim vazifalardan
hisoblanadi.
Oʻzbekiston Respublikasi Vazirlar Mahkamasining 2017-yil 6-apreldagi 187-sonli Qarori bilan
tasdiqlangan “Umumiy oʻrta ta’limning davlat ta’lim standartlari”da “umumiy oʻrta ta’limning turlari,
bosqichlari bilan uzluksizligi va ta’lim mazmunining uzviyligi”ni ta’minlash alohida belgilangan [2]. Bu
boshlangʻich sinf oʻquvchilariga tabiiy-ilmiy bilimlarni kompetensiyaviy yondashuv asosida oʻrgatishning
“PEDAGOGIK MAHORAT” ilmiy-nazariy va metodik jurnal. 2022, № 3-4
96
zaruriyatligini belgilaydi. Shu jihatdan boshlangʻich sinf oʻquvchilariga tabiiy-ilmiy bilimlarni yuksak
darajada va kompetensiyaviy yondashuv asosida oʻrgatish taqozo etiladi.
