Tanqidiy baho
Eshituvchi
tomonidan
koʻrsatkich barmoqning
vertikal holatda chekkaga qoʻyilishi, shu bilan birga
bosh barmoq iyakni tutib turishi uning soʻzlayotgan
kishiga yoki umuman ushbu vaziyatga tanqidiy
munosabatini bildiradi.
66
Iyakni silash
Qaror qabul qilish jarayoni. Agar oldingi baholash
(zerikish, qiziqish, tanqidiy baho) jestlaridan soʻng oʻz
fikr-mulohazasini bayon etish soʻralsa, iyakni silash
jesti paydo boʻladi. Bu holatda odamga xalaqit
bermagan va shoshiltirmagan mahqul.
Avtoritarlik, agressivlik
Oʻz hukmini, oʻz xulq-atvor qoidalarini oʻtkazishga
intilish. Oʻng qoʻl xuddi zarba berish holatidagidek
musht boʻlib tugilgan va koʻtarilgan. Koʻpincha doʻq
va ovozni balandlatish bilan birgalikda kechadi.
Tamaki tutunini yuqoriga puflash
Agar kishi tamaki tutunini yuqoriga qarab yoʻnaltirsa,
bu narsa uning oʻz-oʻziga ishonishi, kimdandir
ustunligini his qilayotganligi, vaziyatni ijobiy
baholayotganligi kabi ijobiy his-tuygʻularni his
etayotganligidan darak beradi.
Tamaki tutunini pastga puflash
Tutunning pastga qarab yoʻnaltirilishi, mazkur
kishining salbiy emotsiyalarni his qilayotganligidan,
vaziyatni negativ baholayotganligidan, sizdan biror –
bir noxush narsada shubhalanayotgan yoki oʻzining
qaysidir fikrini, maqsadini yashirishga harakat
qilayotganligidan darak beradi. Agar kishi tamaki
tutunini pastga qarab ogʻiz chetidan chiqarayotgan
boʻlsa, bu uning vaziyatga oʻta salbiy munosabatda
ekanligi va uning sir boy bermaydigan kishi
ekanligini bildiradi.
|
