Professor Hakimov M.H.
Familiyaning o‘zi yakka holda aniq bir talaba xususidagi hech qanday ma’lumotni
bermaydi, chunki bir xildagi familiyali talabalar ko‘p bo‘lishi mumkin. Endi uni ism bilan
birgalikda qaraylik. Fakultetda bir xildagi familiya va ismga ega bo‘lganlar
ham bir
nechta talaba bo‘lishi mumkin. Agarda qaralayotgan juftlikka, endi otasining ismi qo‘-
shilsa, bu aniq bitta talaba bo‘lishi mumkin. Lekin, biz izlayotgan talaba bo‘lmasligi ham
mumkin, chunki aynan xuddi shunday familiya, ism va otasining ismiga ega bo‘lgan
kamida yana bitta talaba bo‘lishi mumkin, hattoki ikkalasi bitta kurs va guruhda o‘qishi
mumkin. Atributlardagi berilganlar orasidagi bunday bog‘lanish juda ham kam uch-
raydigan, lekin bo‘lishi mumkin bo‘lgan holat. Atributlarning bunday bog‘lanishi ancha
mazmundor bo‘ldi, lekin ikkita yozuv bir xildagi qiymatlarga ega bo‘ldi. Demak, biz,
izlagan talabamiz qaysi biri ekanligini hali aniqlay olmadik.
Buning uchun mazmunni
yanada boyitishimiz, ya’ni talaba xususida yana boshqa berilganlar bilan obyekt xususi-
dagi ma’lumotlarni boyitishimiz va aniq mazmunga ega bo‘lishimiz mumkin.
Aniq bir kortej elementlari to‘liq va aniq mazmunga ega bo‘lishi uchun, undagi atri-
butlar sonini zaruriy atributlar bilan to‘ldirish kerak, ya’ni obyekt xususidagi berilganlar
qanchalik yetarli va aniq bo‘lsagina, berilganlar bazasidagi berilganlar asosida to‘g‘ri
qaror chiqarish mumkin. Chunki, berilganlar bazasidan axborot tizimlarida
foydalanishning asosiy maqsadi berilganlarni ishlovi natijasida to‘g‘ri qaror qabul
qilishdan iborat. Bu esa berilganlarning ahamiyati qanchalik muhim va har birining o‘z
o‘rni borligidan darak beradi hamda atribut va berilganlar orasidagi bog‘lanishlarning
naqadar ahamiyatli ekanligini ko‘rsatadi.
