Milliy innovatsion tizim faoliyatining bozor iqtisodiyoti shart-sharoitlarini
hisobga olgan holda yaratilishi bois ilm-fan sig‘imli mahsulotlar va xizmatlar bozorini
milliy innovatsion tizimning bitta tizim osti sifatida qarash mumkin.
Innovatsiyalarning mahsulodorligiga ta’sir etadigan omillar tahlili muhim amaliy
ahamiyat kasb etgan holda ular innovatsiyalarni bir muncha samarali qo‘llash yoki
aksincha ularning ta’sirini yo‘qotuvchi sifatida ijobiy va salbiy holatlarni aniqlashga
yordam beradi.
Turli xildagi omillarning qanchalik sinchkovlikda
aniqlanganligi va
o‘rganilganligi amalda mavjud bo‘lgan yoki endigiga yaratilgan innovatsion tizimning
samaradorligiga bog‘liq bo‘ladi, shuningdek, bu eng zo‘r natijaga erishish uchun
jarayonni modernizatsiyalash imkonini beradi.
Masalan, rus tadqiqotchisi S.R.Yagolkovskiy innovatsion jarayonni kengaytirish
jarayonida “ko‘lamlikning
kengayishi tashqi ijtimoiy, iqtisodiy, siyosiy va boshqa
vositalar, shuningdek rivojlanishning ichki mantig‘i bilan o‘zaro xatti-harakatlarga olib
keladi”. Muallif omillar ikkita turini ajratadi: tashqi va ichki.
