|
O‘z-o‘zini tekshirish uchun nazorat savollari
|
| bet | 6/67 | | Sana | 29.04.2023 | | Hajmi | 0.89 Mb. | | #54953 |
Bog'liq Agrokimyodan ma\'ruza matni 2017 13, muhandislik, 1 Мавзу, TALIM FAOLIYATI O’RASIDA JISMONIY MASHQ DAQIQASI YOKI HARAKATLI O’YINLAR O’TKAZISHNI REJALASHTIRISH TEHNALOGIYALARI, BMI titul, 1. Sanoq sistemasi haqida tushuncha Pozitsion va nopozitsion san-fayllar.org, 3-4 2020 KENGURU, Korroziya test , 1-2-лаборатория иши, II. XV-XVII asrlar adabiyot-fayllar.org, 27, Topshiriq 5, Aniq fanlar ochiq dars, faxriyyorliqO‘z-o‘zini tekshirish uchun nazorat savollari
1. Agrokimyo fani nimani o‘rganadi?
2. Agrokimyo fanining maqsadi nimadan iborat?
3. Agrokimyoning bosh vazifasi nimadan iborat?
4. Moddalar aylanishiga insonni aralashuvining bosh omili nima?
5. Xo‘jalikda mineral va organik o‘g‘itlarning qo‘llanilishidan qaysi imkoniyatlar yuzaga keladi?
2-ma’ruza
Mavzu: Agrokimyoning rivojlanish tarixi
Reja:
Agrokimyoviy bilimlarning paydo bo’lishi.
Agrokimyoning rivojlanishiga horijiy olimlarning qo’shgan xissalari.
Agrokimyoning rivojlanishiga rus olimlarining qo’shgan xissalari.
O’zbekiston Respublikasida Agrokimyoviy tadqiqotlarning boshlanishi va
uning rivojlanishiga xissa qo’shgan olimlar.
Agrokimyoviy bilimlarning paydo bo‘lishi
Agrokimyoviy bilimlarning paydo bo‘lishi, ularning ilk ko‘rinishlari qadimgi dehqonchilik davrlariga borib taqaladi. Ajdodlarimiz bundan bir necha ming yillar ilgari, tuproq unumdorligini oshirish uchun turli-tuman chiqindilardan, go‘ngdan, eski kuygan devorlarning tuproqlaridan va chuchuk suv xavzalarida to‘plangan loyqalardan unumli foydalanganlar. Qadimgi Rim imperiyasi davridanoq ko‘kat o‘g‘itlardan yerlarning unumdorligini oshirishda foydalanganlar, kul, ohak va gipsning o‘g‘it sifatidagi ahamiyati ma’lum bo‘lgan.
Yevropa kolonizatorlari Amerika mintaqasiga birinchi marta qadam bosganlarida indeytslarning dalalarga ekilgan makkajo‘xorini baliqlar bilan oziqlantirayotganliklarini ko‘rib hayron qolgan edilar. Lekin bu qilingan ishlarning ahamiyati o‘simliklarning oziqlanish sirlari ochilgunga qadar noaniqligicha qolaverdi. Qadimgi Gretsiyaning materialist faylasuflari o‘simliklarning hayoti uchun olov, tuproq, suv va havo zarur ekanligini aytganlar.
Ular bu fikrlari bilan haqiqatga juda yaqin kelgan edilar, ya’ni katta olov - quyosh o‘simliklaridagi fotosintez jarayonining borishida yorug‘lik va energiya manbai bo‘lib xizmat qiladi, tuproq esa mineral elementlar bilan oziqlanish manbai, havodan karbonat angidrid olinadi va suv esa o‘simliklardagi bo‘ladigan barcha jarayonlarda ishtirok etadi.
|
| |
