|
-sanoat inqilobi haqida ma’lumot bering
|
| bet | 5/26 | | Sana | 17.02.2023 | | Hajmi | 68.1 Kb. | | #42634 |
Bog'liq biznes OCHIQ DARS ISHLANMASI2-sanoat inqilobi haqida ma’lumot bering
Ikkinchi sanoat inqilobi (yoki texnologik inqilob) - XIX asrning ikkinchi yarmi va XX asrning boshlarini qamrab olgan jahon sanoatidagi transformatsiya hisoblanadi. Uning boshlanishi 1860-yillarda po‘lat eritishning Bessemer usulini joriy etish deb hisoblanadi va rivojlanish nuqtasi – ommaviy sanoat va ommaviy liniyalarni ishlab chiqarishning tarqalishi hisoblanadi. 1860-1870 yillarda texnologik inqilob G‘arbiy Evropa, AQSh va Yaponiyada keng tarqaldi. Temir, bug‘ mashinalari ishlab chiqarish va to‘qimachilik sanoatining rivojlanishidagi innovatsiyalarga asoslangan birinchi sanoat inqilobidan farqli o‘laroq, texnologik inqilob yuqori sifatli po‘lat ishlab chiqarish, temir yo‘llar, elektr energetikasi va kimyoviy moddalarning yaratilishiga bog‘liq. Ikkinchi sanoat inqilobi davrida iqtisodiyotning rivojlanishi asosan innovatsiyalar (ilm-fan yutuqlarini ishlab chiqarishga joriy etish) va kontsentratsiya, kapitalni monopollashtirishga asoslangan edi. Ikkinchi sanoat inqilobi kontseptsiyasining o‘zi 1915 yilda ingliz sotsiologi Patrik Geddes tomonidan kiritilgan bo‘lsa, 1970-yillarda amerikalik iqtisodchi Devid Landis tomonidan keng qo‘llanilgan.
3-sanoat inqilobi haqida ma’lumot bering
Uchinchi sanoat inqilobi 1960-yillarda, raqamli texnologiyalar paydo bo‘lganda boshlandi. Bu davrda elektronika, telekommunikatsiya va kompyuterlar juda keng miqyosda rivojlandi. Yangi texnologiyalar tufayli uchinchi sanoat inqilobida kosmik ekspeditsiyalar, tadqiqotlar va biotexnologiyalar yaratildi va Internetning rivojlanishi bilan yakunlandi. Uchinchi sanoat inqilobi 1960-yillardan 1990-yillarning oxirigacha sodir bo‘ldi. Uchinchi sanoat inqilobi “raqamli inqilob” deb nomlanadi, bunda ishlab chiqarishda postindustrial jamiyatni shakllantirishga hissa qo‘shgan axborot-kommunikatsiya texnologiyalaridan foydalanishga keng o‘rin beriladi. Ishlab chiqarishni keng avtomatlashtirish sanoatda atom energiyasidan foydalanish va radioaktiv elementlarni inson aralashuvisiz ko‘chirish zarurati natijasida yuzaga keldi. 1948 yilda “General Electric” kompaniyasi “Xendi Men” avtomatik elektromexanik manipulyatorini ishlab chiqdi. U operatorning harakatlarini nusxa ko‘chiradi va manipulyatsiya predmetiga teskari aloqani beradi. Robotlashtirish va yangi ishlab chiqarish usullari ishlab chiqarishni soddalashtirish, ko‘paytirish va ishlab chiqarish xarajatlarini kamaytirishga yordam beradi
|
| |
