II BOB. “Oliy ta’lim muassasalari talabalarining kommunikativ kompetentlikni shakllantirish tizimi”

II BOB. “Oliy ta’lim muassasalari talabalarining kommunikativ kompetentlikni shakllantirish tizimi”

• Ikkinchi bobida oliy ta’lim muassasalari talabalarining kasbiy yo‘naltirilgan kommunikativ kompetentligini rivojlantirishning pedagogik shart-sharoitlari, talabalarda kommunikativ kompetentlikni rivojlantirish jarayoni modeli, talabalar kommunikativ kompetentliligini rivojlantirish jarayoni modeli va uning samarali amalga oshirishning pedagogik xususiyatlari o‘rganilgan.

• Talabalarning kommunikativ kompetenligini rivojlantirishning pedagogik shart-sharoitlar majmuasini aniqlash uchun quyidagi yo‘llar tanlangan:
• ushbu muammo nuqtai nazaridan zamonaviy mutaxassis faoliyati va shaxsiga talablarni aniqlash;
• talabalarni kasbiy-pedagogik tayyorlashga (ta’lim berishga) tizimli, praksiologik va faoliyatga asoslangan yondashuvlarning imkoniyat va talablaridan foydalanish;
• kasbiy tayyorlashning integratsiyalashuvi sharoitida talabalarda o‘rganilayotgan kompetentlik turini rivojlantirish jarayonining o‘ziga xos xususiyatlarini aniqlash.

• Natijada pedagogik shart-sharoitlarning quyidagi majmui aniqlandi va asoslandi: o‘quv jarayoni shaxsiy-praksiologik yondashuvga asoslanadi; talabalarning kasbiy o‘zini anglashini shakllantirish ularning kommunikativ faoliyat jarayoniga shaxsiy kirishishini ta’minlaydi; o‘qituvchi va talabalarning kommunikativ-didaktik o‘zaro munosabatlari birgalikdagi ijod asosida tashkil qilinadi.

• O‘qituvchining pedagogik faoliyatining ijobiy natija berishi va samaradorligini anglashi, talaba o‘zining “Men”-obrazini shakllantirishi, kasbiy faoliyat jarayonida individual kasbiy ijodkorligini rivojlantirish zarurligi o‘qitishga shaxsiy-praksiologik yondashuvdan foydalanishning dolzarbligini ko‘rsatadi.
• Ilmiy tadqiqotlarda shaxsga-yo‘naltirilgan ta’lim muammolari yetarli darajada batafsil muhokama qilinmoqda. Shaxsga-yo‘naltirilgan ta’lim tushunchasining qoidalariga ko‘ra, kasbiy ta’lim tayyorlash jarayoni mutaxassis shaxsining shakllanishi jarayoni, o‘zini madaniyat, ma’naviyat va ijod sub’ekti deb bilish va anglash jarayoni sifatida tushuniladi.