105
differensiallovchi, ta’sirlardan olingan integrallarga javob beruvchilari esa
integrallovchi elastik aloqalar deyiladi.
11.5- rasm. Avtomatik rostlashni eng oddiy tizimining sxemasi:
1-rostlash ob’ekti; 2 - asosiy teskari bog‘lanish elementi, 3- taqqoslash
elementi; 4- kuchaytirgich; 5- ijro mexanizmi; 6- mahalliy teskari bog‘lanish
elementi (korrektlovchi element).
Agar avtomatik rostlash tizimida tizimning chiqishi uning kirishi bilan
biriksa, u holda bunday teskari aloqa asosiy teskari aloka deb ataladi. Asosiy
teskari alokalardan tashqari, mahalliy teskari aloqalar xam keng ko`lamda
qo`llaniladi; bular xam bikr va elastik bo`ladi va ayrim elementlarning chiqishi
bilan kirishini birlashtirib, ayrim elementlarning rostlanish xususiyatlarini
yaxshilash uchun xizmat qiladi.
Ko`pincha, bunday aloqalar korrektlovchi deb ham ataladi, chunki ular
alohida elementlarning yoki elementlar guruhining ishini to`g‘irlaydi. Ko`pchilik
rostlash tizimlari uchun tipik bo`lgan elementlar bilan jihozlangan avtomatik
rostlash tizimining sxemasi 11.5-rasmda keltirilgan.
Ba’zi rostlash tizimlarida elementlarning bir qismi (masalan, bevosita
rostlash tizimlarida kuchaytirgichlar yoki to`g‘rilovchi elementlar) yo
bo`lmasligi, yohud bir elementning o`zida konstruktiv birlashtirilgan bo`lishi
mumkin.