4
Mualliflardan: ushbu boʻyash kitobi 3 dan 7 gacha maktab yoshidagi bolalar uchun
moʻljallangan boʻlib, maqsadi ekologik ta’lim-tarbiya boʻyicha bilimlar berish hisoblanadi.
Biz ushbu kitobga bolalar uchun ekologik materiallarni jamladik.
Bolalar uchu atalgan ushbu boʻyash kitobi ustida ishlash jarayonida oʻz tavsiyalarini
taqdim etgan pedagoglar va MTM tarbiyalanuvchilarining ota-onalariga chuqur
minnatdorlik izhor etamiz.
Mualliflar: Grosheva I.V., Kuryayeva I.V., Nekrasova Ye.А.
Taqrizchilar:
Boboyeva D.R.
Nizomiy nomidagi TDPU Pedagogik texnologiyalar kafedrasi
professori,
pedagogika fanlari nomzodi
Jumaniyazova Z.R.
Nizomiy nomidagi TDPU Pedagogika va psixologiya
kafedrasi pedagogi
Odilova D.A
Toshkent shahar 309-son davlat maktabgacha
ta’lim tashkiloti metodisti
“Yer sayyorasi – bizning umumiy uyimiz” parsial dasturiga
muvofiq ravishda yaratilgan
boʻyash kitobi maktabgacha ta’lim tashkilotlari rahbar va mutaxassislarini qayta
tayyorlash va ularning malakasini oshirish Instituti Ilmiy uslubiy kengashining qarori bilan
tasdiqlangan (Bayonnoma № 6 “17” may 2022 yil), Oʻzbekiston Respublikasi Maktabgacha
ta’lim vazirligining Muvofiqlashtiruvchi kengashi va chop etishga tavsiya etilgan
(Bayonnoma № 2 “27” may 2022 yil).
1
Hurmatli onalar, otalar,
buvilar va bobolar,
pedagoglar!
Soʻnggi paytlarda ekologiya mavzusi aql
bovar qilmas darajada dolzarb, hattoki,
urfga kirgan deyish ham mumkin. Soʻzma-soʻz tarjimada ekologiya uy haqidagi fan degan
ma’noni bildiradi, ammo umumiy olib qaraganda, bu tushuncha chuqur mohiyatga ega. Bu
fan bolalarga tabiatni asrashni oʻrgatadi. Bolalar chiqindi tashlashlari emas, yigʻishlari
kerak. Hayvon va oʻsimliklarga
ziyon yetkazmasdan, ularni ehtiyot qilishlari lozim.
Ekologiya odamlarga nafaqat atrof-muhitni asrab-avaylash, balki uni ifloslantirmaslik
uchun mumkin boʻlgan barcha ishni qilishga oʻrgatadi. Biz bu jamlanmada bolalar bilan
birgalikda boʻyash orqali ularning ekologik bilimlarini mustahkamlash uchun ekologiyaga
oid suratlarni yigʻdik.
“Sayyoramizni asra!” boʻyash kitobi EXHT ning “Maktabgacha
yoshdagi bolalarning
ekologik ta’limi” loyihasi doirasida Maktabgacha ta’lim vazirligi tomonidan ishlab
chiqilgan va 3 dan 7 gacha maktabgacha yoshdagi bolalar uchun moʻljallangan “Yer
sayyorasi – bizning umumiy uyimiz” parsial dasturiga ilova hisoblanadi.
Kitob 3 boʻlimdan iborat: “Notirik tabiat”, “Jonli tabiat”, “Insonning tabiat bilan
oʻzaro ta’siri” va “Ekologik xavfsizlik”. Har bir bet mavzuga oid kompozitsiyalar va
ekologiya yoʻnalishidagi belgilardan iborat.
Boʻyash davomida bolalar atrofimizdagi olamning qanchalar xilma-xil va chiroyli
ekanligini
bilib oladilar va tabiatga, uning boyliklariga ehtiyotkorona munosabatda
boʻlish haqidagi olingan bilimlarni mustahkamlaydilar. Boʻyash kitobi bolalarni goʻzal
olamga qoʻshilishga, atrof-muhit bilan ehtiyotkorona munosabatda boʻlish va sogʻlom
turmush tarzining zaruriyatini tushunishga, qoʻl motorikasi, ijodiy qobiliyat,
estetik
didni shakllantirishga yordam beradi.
Boʻyash kitobiga boʻyoq, qalam va flomasterda chizish mumkin.
Oʻzbekiston Respublikasi Maktabgacha ta’lim vazirligi har bir bolaning rivojlanishi va
salohiyatini toʻliq yuzaga chiqarish uchun ularning sifatli ta’limi va huquqlariga katta
ahamiyat bermoqda. Har bir bola muvaffaqqiyatga erishishi mumkin, ammo buning uchun
bilim va bizdan – bolalar bilan shugʻullanadigan kattalardan qoʻllab-quvvatlash
talab
etiladi.
Oʻzingiz va farzandlaringiz tasavvurlarining keng qanot yozishiga imkon bering.
Keling, asosiy qoidaga amal qilamiz: “Bolaning qanotini qirqma. Kun kelib, qanot
yozganda, senikini pastlashiga yoʻl qoʻymaydi!”. Ushbu boʻyash kitobida biz taklif
etayotgan vazifa va harakatlar roʻyxatiga yangi gʻoyalarni qoʻshing.
Umid qilamizki, bu kitob bolalaringizga nafaqat ekologiya
haqidagi tasavvurlarni
tizimlashtirishga, balki olingan bilim, hunar va malakalarni hayotda qoʻllashlariga ham
yordam beradi.
