3
KIRISH
5112100 – “Elektronika va texnologiya” yo’nalishi bitiruvchi talabalaridan
ixtisoslik fanlaridan yakuniy davlat attestatsiyasi sinovlari, bakalavrlar
tayyorlovchi oliy ta’limning o’quv reja va fan dasturi asosida amalga oshiriladi.
Fan dasturlarining nazariy va amaliy mashg’ulotlarini to’liq o’zlashtirgan,
yakuniy davlat attestatsiyasidan muvaffaqiyatli o’tgan shaxsga «bakalavr»
malaka (daraja)si hamda oliy ma’lumot to’g’risidagi davlat namunasidagi rasmiy
hujjat(lar) beriladi. Bakalavr yakuniy davlat attestatsiyasi doirasida o’quv
rejadagi ixtisoslik fanlaridan yozma ish topshirishi nazarda tutilgan.
“
Texnologiya ta’limi metodikasi” fanini o‘qitishning maqsad va
vazifalari - talabalarga umumiy o’rta ta’lim maktablarida o’qitiladigan
texnologiya fani metodologiyasini, texnologiya darslarida ta’lim tarbiya ishini
tashkil etish va uni amalga oshirish, texnologiya fanining o‘quv me’yoriy
hujjatlarini tahlil qilish, texnologiya darslarini samarali o‘qitish
shakl va
metodlaridan foydalana olish, pedagogik va axborot texnologiyalar asosida
darslarni tashkil qilish va o‘tkazish ko’nikmasini hosil qilishdan iborat.
“Texnologiya ta’limi praktikumi” fanini o’qitishning maqsad va
vazifalari - bo‘lajak texnologiya fani o‘qituvchilarini o‘z kasbining mohir ustasi
qilib tarbiyalash, ularga yog‘och
va metallning xususiyatlari, ularni rejalash,
yo’nish, arralash, parmalash, pardozlash ishlari, qo’l
va elektr asboblarining
tuzilishi, ishlashi, dastgohlar, elektr va mexanizatsiyalashtirilgan jihozlar,
mashinalar elementlari, yangi texnika va ilg‘or
texnologiya asoslari, texnologik
xaritalar, ularni tuzish va foydalanishni o’rgatish.
“
Mahsulot tayyorlash texnologiyasi” fanini o’qitishning maqsad va
vazifalari - talabalarga xizmat ko’rsatish sohalari, gazlama turlari,
gazlamaga
ishlov berish, ularning olinishi, xossalari, qo’llanilishi, tikuvchilik jihozlari,
ulardan foydalanish,
kiyim turlari, ularning asos chizmalarini konstruktsiyalash,
modellashtirish, andaza tayyorlash, bichish va tikish texnologiyasi hamda oziq-
ovqat mahsulotlari turlari,
ovqat tayyorlash texnologiyasi, pazandachilikda
qo’llaniladigan jihozlar, ulardan foydalanish bo’yicha nazariy va amaliy bilim
berish.
