31
oqibatida sovuq xarakterdagi rang hosil bo’ladi. Qizil rang oq bilan qo’shilganda
ko’kimtir
tus berib, uning ko’rinishi tubdan o’zgara boshlaydi. Sariq
rang ham oq
bilan aralashganda sovuq tusni beradi. Binafsha rang
oq bilan aralashganda uning
sifati tubdan o’zgaradi, ya’ni u yoqimli va tinchlantiruvchi rangga aylanadi.
Sof rangni qora rang
bilan aralashtirish mumkin, bunda sariq rang o’zining
yorqinligi va musaffoligini yo’qotib, salbiy ko’rinishni hosil qiladi.
To’yingan rangni oq va qora ranglar aralashmasi orqali hosil qilish mumkin.
Kulrang qo’shilganda och, yanada och, yoki yanada to’q
ranglar hosil qilishimiz
mumkin. Kulrang qo’shish orqali boshqa ranglarni neytrallash mumkin.
Delakrua kulrangni yoqtirmagan va iloji boricha o’z asarlarida ushbu rangni
ishlatmagan. Sof ranglar qo’shimcha ranglar qo’shilishi orqali o’zgarishi mumkin.
Agar, binafsha rangga sariq rangni qo’shsak, och sariq yoki to’q binafsha tondagi
tuslar paydo bo’ladi.
So’ngan tuslar, ya’ni kulrang, atrofidagi yorqin ranglar tufayli jonli ko’rinadi.
Buni biz shaxmat taxtasidagi kvadratlarda kulrangni neytral holatda qo’yib
ko’rishimiz mumkin. Bunday vaziyatda kulrang boshqa ranglarga qaraganda jonliroq
tusga ega bo’ladi.
To’yingan kontrast asosida
ishlangan asarlar quyidagilardir:
Jorj de la Turning “Go’dak” asari,
Renn
shahridagi muzey; Anri Matissning
(1869 – 1954) “Peon”, N’yu – York,
Zamonaviy san’at muzeyi va
Pol Klening
(1879 – 1940) “Sehrli baliq” asari,
Filadel’fiya, San’at muzeyi.8
