|
Toshkent axborot texnologiyalari universiteti huzuridagi ilmiy darajalar beruvchiBog'liq dissertatsiyaTadqiqotning predmetini bikubik splaynlar asosida signallarga parallel
ishlov berish usullari, algoritmlari va dasturiy vositalari olingan.
Tadqiqotning usullari. Tadqiqot jarayonida funksional tahlil nazariyasi,
splayn funksiyalar va modellashtirish nazariyalari, shuningdek, taqsimlangan
tizimlar va parallel hisoblash nazariyalaridan foydalanilgan.
Tadqiqotning ilmiy yangiligi quyidagilardan iborat:
masofadan zondlash orqali olingan ikki oʻlchovli geofizik signallarga raqamli
ishlov berish uchun splayn modeli ishlab chiqilgan;
olingan geofizik signallar asosida qazilma boyliklari joylashgan oʻrnini grafik
koʻrinishda ifodalash uchun aniqligi yuqori boʻlgan ikki oʻzgaruvchili bikubik
splayn funksiyasi yordamida tiklash algoritmi ishlab chiqilgan;
harorat maydonlari signallariga raqamli ishlashning parallel algoritmi ishlab
chiqilgan;
taqsimlangan tizimlarda yerni masofadan zondlashdan olingan geofizik
signallarini raqamli ishlashning parallel algoritmi ishlab chiqilgan;
Tadqiqotning amaliy natijalari quyidagilardan iborat:
yerni masofadan zondlashdan olingan katta hajmli geofizik signallarni
raqamli ishlashda parallel hisoblash algoritmlaridan foydalanib taqsimlagan tizimlar
uchun dasturiy majmua yaratilgan;
ikki oʻlchovli harorat maydon signallarini parallel ishlash uchun hisoblashlar
jarayonlarini bikubik splayn modelli qurilgan va algoritmi ishlab chiqilgan, ular
asosida dasturiy vosita yaratilgan;
geofizik signallar va harorat maydonlarining muhim parametrlarini
aniqlashning splayn usuli asosida dasturiy vosita yaratilgan.
Tadqiqot natijalarining ishonchliligi. Tadqiqot natijalarining ishonchliligi
muammoni oʻrganish va tahlil qilish natijasida geologiya sohasida signallarga
raqamli ishlov berish uchun qoʻllaniluvchi hisoblash tizimlarning samaradorligiga
qoʻyiladigan yuqori talablar, splayn-funksiyalar asosida yangi usul, algoritmlar
hamda klaster texnologiyalari va koʻp yadroli tizimlar yaratish talablariga mosligi
bilan izohlanadi.
|
| |
