|
O’zbekiston respublikasi aloqa, axborotlashtirish va telekommunikatsiya texnologiyalari davlat qo’mitasi
|
| bet | 6/24 | | Sana | 21.03.2017 | | Hajmi | 0,8 Mb. | | #726 |
CDMA standartida nutqni kodlash. CDMA sotali aloqa standartida keng polosali signallardan foydalanishga asoslangan kanallarni kodli ajratishli ko’p stansiyali ulanish usuli qo’llaniladi. Har bir chaqiruvga o’sha bir chastota diapazonida uzatiladigan chaqiruvlarni boshqalaridan ajratishga imkon beradigan alohida kod tayinlanadi. Bu standartda GSM standartiga qaraganda yuqori nutq sifati ta’minlanadi. Bu ko’p jihatdan nutqning kodlanishini qo’llanilishi orqali aniqlanadi. CDMA tizimida analog nutq signalni raqamli signalga o’zgartirishi uchun asosiga CELP LP kodli algoritm qo’yilgan o’zgaruvchan kodlash tezlikli vokoder ishlatiladi. Bu algoritim inson nutqining o’ziga xos xususiyatlarini hisobga oladi. Vokoder 64 kbit/s tezlikli raqamli oqimni 8 yoki 13 kbit/s tezlikli oqimga qayta kodlaydi. Bu o’zgartirish jarayonida axborot oqimi kadrlarga bo’linadi va pauzalardan iborat intervallar yo’qotiladi. Natijaviy oqim 1 dan 8 kbit/s gacha tezlikka ega bo’ladi. Qabul qiluvchi tomonidan vokoder kadrlarni yagona oqimga birlashtradi va teskari o’zgartrishni amalga oshiradi. O’zgaruvchan kodlash tezlikli vokoderning boshqa o’ziga xos xususiyati talab qilinadigan ma’lumotlarni kodlash tezligini aniqlash uchun adaptiv bo’sag’adan foydalanish hisoblanadi. Vokoder nutq kanaliga ikkilamchi trafikni, ya’ni xizmat axborotini qo’shishga imkon beradi.
|
| |
