| Suspenziya va emulsiyalar:
Veterinar osilmalarda kuchli ta’sir etuvchi dorivor moddalar, o‘simlik xom ashyo poroshok dorivor moddalar yozilishi mumkin. Urug‘dan tayyorlangan emulsiyalarda ko‘knori, zig‘ir va nasha urug‘lari uchraydi. Yog‘li emulsiyalarga jelatoza, kamedlar va tuxum sarig‘i solinadi.
Rp: Olei Ricini 400,0
Gelatosae 200,0
Aq. Purif. 200,0 ml
M.f. emulsum
D.S. ichga ot uchun.
Damlama va qaynatmalar. X1 DF bo‘yicha tayyorlanadi. Lekin katta vaznli mollarga tayyorlanganda dorixonadan yozilgan dorivor o‘simlik xom ashyolar berilib, suvli ajratmalar uy sharoitida tayyorlanadi. O‘simlik xom ashyoni usti yaxshi yopiladigan idishga solib, kerakli miqdorda qaynoq suv solinadi, idish qog‘ozga o‘raladi, ustidan sherst yoki paxta ko‘rpa bilan o‘rab 20-30 daqiqaga qoldiriladi. Keyin sovitilib, ikki qavat doka orqali suziladi.
Tayyor damlamani hayvonga zond orqali, butilkadan yoki ovqatga solib beriladi.
|
