|
Maktabgacha ta’lim yo‘nalishi bo'yicha fanlardan o‘quv-metodik
|
| bet | 29/89 | | Sana | 19.02.2024 | | Hajmi | 458,85 Kb. | | #158634 |
Bog'liq “tasdiqlayman” O‘quv ishlari bo‘yicha prorektor-fayllar.orgMaktabgacha ta’lim yo‘nalishi bo'yicha fanlardan o‘quv-metodik
komplekslar tayyorlash.
Maktabgacha ta’limda metodika turkum fanlari o'qituvchisi o'quv-me’yoriy
hujjatlar asosida o'zi o'qitadigan fani bo'yicha o'quv-metodik kompleks yaratadi. O'quv-metodik kompleks tushunchasi turli tadqiqotchilar tomonidan turlicha talqin
etilgan bo'lib, bu tushunchalaming mohiyatini to'laroq anglash uchun ular tomonidan o'quv-metodik kompleksga berilgan ba’zi ta’riflami keltirib o'tamiz. Y.E.Pichugina o'zining tadqiqot ishlarida quyidagicha ta’rif beradi: “O'quv-metodik kompleks - bu fanning o'quv maqsad va vazifalarini to'liq va samarali joriy etish uchun mo'ljallangan o'quv dasturlari, darslik va o'quv qo'llanmalar, didaktik materiallar va o'qituvchi uchun metodik ko'rsatmalar majmuidir”.
Y.K.Babanskiy o‘quv-metodik kompleksni zamonaviy ta’limda o‘quv-tarbiya masalalarini yechishga qaratilgan o'zaro organik bog’langan o‘quv-metodik
qo'llanmalar to‘plami deb ta’riflaydi. Bugungi kunda o‘quv-metodik komplekslarida quyidagilar bo'lishi shart qilib qo'yilgan:
- o'quv va ishchi dasturlar,
- taqvim-mavzuiy reja
-ma’ruza, seminar va amaliy mashg'ulotlar hamda mustaqil ta’limning texnologik modeli va texnologik xaritasi,
- ma’ruza matnlari
- seminar, amaliy va laboratoriya mashg'ulotlari ishlanmalari
- mustaqil ta’lim topshiriqlari
- asosiy va qo'shimcha adabiyotlar ro'yxati
- prezentatsiyalar
- nazorat va baholash uchun topshiriqlar
- sillabus,
- fanni o'qitishga doir tashkiliy ko'rsatmalar
O'quv-metodik komplekslarni ishlab chiqish vazifalari
1. O'quv-metodik ta’minotni tayyorlash.
2. Ishlab chiqarish, fan, texnika va ish beruvchilarning talablarini inobatga olgan holda fan mazmunini tizimlashtirish.
3. Sifatli mutaxassislarni tayyorlashni ta’minlovchi o'quv-metodik va boshqa materiallar bilan o'quv jarayonini ta’minlash.
4. Ta’lim jarayoniga faol usul va innovatsion pedagogik texnologiyalarni joriy etish.
5. Talabalarning mustaqil ishlarini va ularning bilimlarini nazorat qilishni to'g'ri tashkillashtirish va rejalashtirish.
6. Elektron darslik, o'quv metodik qo'llanmalarni ishlab chiqish uchun o'quv metodik materiallar ishlab chiqish.
7. O'quv jarayonini sifatini tizimli nazorat qilish imkoniyatini yaratish.
O'quv-metodik komplekslar:
-talabalar tomonidan o'quv materialini mustaqil o'zlashtirishni;
-talabalar bilimini nazrorat qilishni;
- barcha turdagi mashg'ulotlarni tashkillashtirish bo'yicha metodik ta’minotni;
- qo'shimcha axborot ta’minotni ta’minlashi kerak.
O'quv jarayonida o'quv-metodik komplekslar.
- o'quv materialini o'zlashtirishda talabalarga amaliy va metodik yordam berish;
- fan bo'yicha o'quv jarayonini tashkillashtirishda va o'tkazishda o'qituvchilarga metodik yordam ko'rsatish;
-o'quv jarayonini metodik ta’minotini takomillashtirishda, uni baholash va rejalashtirishga asos uchun zarur
Sillabus (Iat. Syllabus Errorum - ≪ikkilanishlar ro'yxati≫) - 1864 yilda Rim cherkovi tomonidan ishlab chiqilgan muhokama qilinadigan ta’limot va tamoyillar ro'yxati. Qadimda mazkur atama Oat, syllabus - katalog) Rim cherkovi tomonidan papa tomonidan ishlab chiqilgan qonunlarni kodifikatsiyalash uchun qo'llanilgan.
Sillabus -o'qitiladigan fanning manbalarini, uning qisqacha mazmunini, mavzusi va har bir mashg‘ulotning davomiyligini, mustaqil ta’lim topshiriqlarini, maslahat beradigan vaqtni, o'qituvchining talablarini, baholash mezonlarini, oraliq nazorat jadvalini va adabiyotlar ro'yxatini ko‘rsatib beradigan o'quv dasturi.
|
| |
