|
IV – BAP. ÓLSHEWLER ANIQSIZLIǴINIŃ DEREKLERI, OLARDIŃ TÁSIRIN BASQARIW HÁM ESAPQA ALIW
|
| bet | 51/83 | | Sana | 23.01.2024 | | Hajmi | 5,5 Mb. | | #144225 |
Bog'liq Anıq emes ólshewlerIV – BAP. ÓLSHEWLER ANIQSIZLIǴINIŃ DEREKLERI, OLARDIŃ TÁSIRIN BASQARIW HÁM ESAPQA ALIW
4.1. Anıqsızlıq derekleri hám olardıń anıqlaması
Ámeliyatda ólshewlerde anıqsızlıqtıń kóplep múmkin bolǵan derekleri bar bolıwı sebepli, onı bahalaw tekǵana matematik jumıs bolıp esaplanbaydı, biraqta ólshenetuǵın shamanıń tábiyatın hám ólshew procesin hár tárepleme úyreniwdi talap etedi. Aqır-aqıbette ólshew nátiyjesıniń anıqsızlıǵın bahalawdıń sapası oǵan baha beriwde qatnasatuǵın shaxslardıń túsıngi, sın bahalawı hám hújdanına baylanıslı boladı.
Anıqsızlıqtı payda qılıwshılardıń túrleri olardıń júzege keliw derekleri boyınsha ólshenetuǵın shamanıń anıqsızlıqları hám ólshew eksperimentinıń anıqsızlıqlarına bólinedi.
Ólshenetuǵın shamanıń anıqsızlıqları áwel-bastan, eksperimentti ótkziwge shekem bar boladı. Olardıń mánisleri eksperimentti ótkiziw metodikası, ólsheytuǵın apparaturanıń sapası yakı operatordıń tájriybesine baylanıslı bolmaydı. Ólshenetuǵın shamanıń anıqsızlıqları tómendegi faktorlar menen shártlenedi.
Adamnıń ólshew obyekti haqqındaǵı oyı onıń ańında parametrler jıynaǵı menen súwretlenetuǵın qandaydur bir modeli kórinisinde sáwlelenedi. Modeller boyınsha anıqlanatuǵın ólshenetuǵın shamalar real obyektlerdiń qásiyetlerinen parq etedi, Sebebi modeli hesh qashan orginaldıń absolyut nusxası bola almaydı. Bul parqlar modeldiń ólshenetuǵın shamaǵa mas emesligi menen shártlenetuǵın anıqsızlıq penen sáwlelenedi.
Tómende ólshewler anıqsızlıǵınıń derekleri hám olardıń klassifikatsiyasi keltirilgen (4.1.1 -súwret).
ÓLSHEWLER ANÍQSÍZLÍǴÍ DEREKLERI
Ólshenetuǵın shamanıń matematik modellestiriwindegi anıqsızlıq
Ólshew anıqlıǵına bolǵan tabıyey (printsipial hám ámeliy ) sheklewler
Ólshew anıqsızlıǵı dereklerin xarakterlew hám onıń dizimin qáliplestiriw anıqsızlıǵı
Personaldıń anıqsızlıǵı
Ólshew sharayıtlarınıń anıqsızlıqları
Ónim sınawında ólshenetuǵın ónim úlgisin alıw anıqsızlıǵı
Qurılmalıq anıqsızlıq hám olardıń tásirin muǵdarlıq bahalaw
Ólshew nátiyjesine tásir qılıwshı metodikalıq anıqsızlıq
|
| |
