| §8.2. Anıqsızlıqtı bahalaw nátiyjeleriniń usınıs qılıw boyınsha ulıwma usınıslar
Qaǵıyda boyınsha, ólshew ierarxiyasi boyınsha joqarılaw ushın háreket qılıwda ólshew nátiyjesi hám onıń anıqsızlıǵı qanday alınǵanlıǵı haqqında úlken informatciyanı talap etedi. Biraq, ierarxiyanıń hár qanday dárejesinde, tiykarınan sawdada yakı normativ hújjet talapların orınlawın tekseriwde, ilmiy-texnik hám akademik ólshewlerde, sanaat birlemshi etalonlardı jaratıwda, milliy metrologiya institutlarıda (laboratoriyalarda) yakı Ólshew hám táreziler xalıq aralıq byurosı iskerligi menen atqaratuǵın tájriybeler haqqında orınlanǵan ólshewlerdi sapasın tekseriw ushın zárúr bolatuǵın bar maǵluwmat penen tanısıw ushın imkániyatqa iye bolıwı kerek. Parqı sonda, ixrarxiyanıń tómengi bosaǵalarında úlken bólektegi zárúrli informatciyanı kalibırlaw hám sınaw esabatlarınan, sınaw metodikalarınan, kalibırlaw sertifikatınan, qurılmalardı qollaw qollanbalarınan, xalıq aralıq hám milliy standartlardan, milliy nızamshılıq hújjetlerinen alıw múmkin boladı.
Qashanda ólshew haqqındaǵı informatciya, sol tiykarınan anıqsızlıqtı bahalaw usılı tiyisli hújjetlerge (máselen, kalibrovka nátiyjeleri boyınsha dúzilgen sertifikat) qosımshalar formasında berilse usı hújjetler zamanagóy dárejege mas keletuǵın hám ayni waqıtta ólshew metodologiyasına muwapıq bolıwı talap etiledi.
Sanaatda hám sawdada hár kúni anıqsızlıqtıń tolıq xarakteristikasısız san-sanaqsız dárejede kóplep ólshewler ótkiziledi. Biraq olardıń kópshiligi dáwirlik salıstırılatuǵın yakı kalibrlanǵan qurılmalardı qollaw menen orınlanadı. Egerde qurılma texnik hújjet yakı oǵan salıstırǵanda úyreniletuǵın normativ hújjetlerdiń talapların qanaǵatlandıratuǵın bolsa, anıqsızlıqtaa usı hújjetlerge tiykarlanıw múmkin.
Sol menen birge ámeliyatda ólshew nátiyjeleriniń usınıs qılıw ushın zárúr bolatuǵın informatciya kólemi onı názerde tutilǵan paydalanıw tarawına baylanıslı bolıp, ulıwma prıncıp ózgeriwsiz qaladı: informatciya kólemi jetpegeninen kóre kereginen artıqsha bolǵanı jaqsı. Tiykarınan:
- ólshew nátiyjesin hám onıń tájriybelik baqlawlardan hám basqa ruxsat etilgen informatciyalar tiykarında alıw ushın paydalanılatuǵın usullardı anıq xarakterlew;
- anıqsızlıqtı bar payda qılıwshılar dizimin dúziw hám olardıń anıqsızlıǵı qanday bahalanǵanın ulıwma xarakterlew;
- maǵluwmatlardı analiz qılıwdı sonday usınıs qılıw kerek, bunda esaplawdıń bar basqıshların, zárúr jaǵdaylarda onı qaytalawdı ańsat baqlanıwın támiynlew;
- analizde paydalanılatuǵın bar dúzetiw hám konstantlardı olardı alıw dereklerin kórsetken halda kórsetiw.
Joqarıda kórsetilgen talaplardı orınlaǵan waqıtta jańa maǵluwmatlar kelip túskende nátiyjege durıslawlar kirgiziw imkániyatı bolıwı ushın usınıs etilgen informatciyalardıń kólemi jeterlime hám jeterli dárejede túsinerli bayan etildime sıyaqlı sorawlardı beriw áhmiyetli.
|
