|
Avtoservis korxonalarining turlari va turlanish mezonlari
|
| bet | 2/17 | | Sana | 19.11.2023 | | Hajmi | 5,28 Mb. | | #101504 |
Avtoservis xizmatining asosiy qismini maxsus avtoservis korxonalari bajaradilar. Ulardan tashqari bu xizmatni asosiy ishlab chiqarish faoliyati boshqa, turli soha bo’lgan korxonalar (masalan, yuk va yo’lovchilar tashuvchi avtotransport korxonalari) ham bajaradilar. Lekin ularning ulushi ko’rsatilgan umumiy xizmat hajmida juda oz, faqat bir necha foiznigina tashkil etadi.
Maxsus avtoservis korxonalari o’z faoliyati va mavjud iqtisodiy-ijtimoiy tuzum asosida tarixiy shakllanib, rivojlanib kelgan, va butun mamlakat hududi bo’ylab shahar va qishloqlar, magistral yo’llari yoqalari, aholi zich yashovchi mavzelar, avtosayohatchilar to’xtaydigan mehmonxonalar va oromgohlarda (otellarda) joylashgan. Bunday korxonalar o’zlari bajaradigan xizmat turlari va ishlab chiqarish faoliyatiga qarab quyidagi turlarga bo’linadi (6.1-rasm ).
Avtomobillarga texnik xizmat ko’rsatuvchi korxonalar Avtomarkazlar, Avtomobillarga texnik xizmat ko’rsatuvchi stansiyalar (ASK), Avtoustaxonalar va maxsus ixtisoslashgan avtota’mirlash korxonalaridan iboratdir.
6.1-rasm. Avtoservis korxonalarining xillari.
Avtomobillarga texnik xizmat ko’rsatuvchi stansiyalar avtoservis xizmatini bajaruvchi asosiy va eng ko’p tarqalgan korxonalar hisoblanadi.
ASK lar o’zlarining ishlab-chiqarish faoliyati, quvvati, bajarayotgan xizmat turlari va ma’muriy-tashkiliy tuzilishlariga qarab bir necha turlarga bo’linadi (6.2-rasm):
6.2-rasm. Avtomobillarga texnik xizmat ko’rsatish korxonalari
Avtomarkazlar avtoservis xizmati ko’rsatuvchi korxonalarning asosiy, tayanch-yetakchi korxonalari bo’lib, asosan yirik shaharlarda (viloyat markazlarida) joylashadi va kamida 25 ta, ko’pi bilan 100 ta, hatto 200 ta ishchi postlariga ega bo’lishi mumkin. Bunday markazlarni odatda avtomobillar ishlab chiqaruvchi va ular bilan savdo qiluvchi kompaniyalar hissadorlik asosida tashkil qiladilar.
Shahar stansiyalarida ko’rsatiladigan xizmat turlari xilma-xil va bajariladigan ishlarning hajmi ham kattaroq bo’lishi mumkin, shuningdek, bu stansiyalardan foydalanuvchi avtomobillarning soni barqaror bo’ladi, ya’ni stansiyalar doimiy mijozlarga ega bo’ladi. Shaharlararo yo’llar bo’ylarida joylashgan stansiyalarda aksincha, xizmat turlari chegaralangan bo’lib, ular asosan texnik yordam ko’rsatish, mayda tamirlash ishlari, g’ildiraklar va shinalarini yamash, damlash, motor, tormoz, rul boshqarmasi tizimlarida, elektr jihozlari asboblarida paydo bo’lgan nuqson va nosozliklarni tuzatish va shuningdek, eng ko’p, zarur bo’ladigan extiyot qismlar va avtomatriallarning savdosi bilan shug’ullanadilar.
|
| |
